চতিয়া,18 ফেব্ৰুৱাৰী: জামুগুৰি আৰক্ষী চকীৰ অন্তৰ্গত ধলাইবিল ৰেলৱে’ ষ্টেচনৰ সমীপৰ পথাৰৰ মাজত এটা পৰিত্যক্ত পুখুৰীৰ দাঁতিত বৃহস্পতিবাৰৰ পুৱা উদ্ধাৰ হয় এটা মৃতদেহ ৷ পৰিত্যক্ত পুখুৰীটোৰ দাঁতিতে থকা এজোপা আম গছৰ তলত অৰ্ধনগ্ন অৱস্থাত উদ্ধাৰ হয় মৃতদেহটো (Dead Body Found in Jamuguri) ৷
জামুগুৰিত ৰেলৱে’ ষ্টেচনৰ সমীপৰ পথৰাত যুৱতীৰ মৃতদেহ উদ্ধাৰ
উদ্ধাৰ হোৱা মৃতদেহটো প্ৰায় 26/27 বছৰীয়া এগৰাকী যুৱতীৰ বুলি অনুমান কৰা হৈছে (Female Body found in Jamuguri) ৷ পুৱা গৰু এৰাল দিবলৈ যোৱা একাংশ লোকে মৃতদেহটো পথাৰৰ মাজত পৰি থকা অৱস্থাত প্ৰত্যক্ষ কৰি স্থানীয় বাকোলা গাঁৱৰ গাওঁৰক্ষী বাহিনী আৰু চৰকাৰী গাওঁবুঢ়াক খবৰ দিয়ে ৷