বিহালীত চিপিআই(এম এল)ৰ বেনাৰ ফালিলে দুস্কৃতিকাৰীয়ে

চিপিআই(এম এল)ৰ বেনাৰ কোনো দুস্কৃতিকাৰীয়ে ফালি পেলোৱাক লৈ বিহালীত তীব্ৰ প্ৰতিক্ৰিয়াৰ সৃষ্টি হৈছে। জানিব পৰা মতে যোৱা নিশা ৰঙাগড়ত মূল্যবৃদ্ধি বিষয় হিচাপে থকা বেনাৰ এখন কোনো দুস্কৃতিকাৰীয়ে ফালি পেলায়।

বিশ্বনাথ, ২৭ ফেব্ৰুৱাৰী:বিহালী সমষ্টিত চিপিআই(এম এল)ৰ বেনাৰ কোনো দুস্কৃতিকাৰীয়ে ফালি পেলোৱাক লৈ তীব্ৰ প্ৰতিক্ৰিয়াৰ সৃষ্টি হৈছে। জানিব পৰা মতে যোৱা নিশা ৰঙাগড়ত মূল্যবৃদ্ধি বিষয় হিচাপে থকা বেনাৰ এখন কোনো দুস্কৃতিকাৰীয়ে ফালি পেলায় ।

এই ঘটনাত প্ৰতিক্ৰিয়া প্ৰকাশ কৰি চিপিআই(এমএল) ৰ কেন্দ্ৰীয় কমিতিৰ সদস্য বিবেক দাসে কয়, যিখন বেনাৰ ফলা হ'ল সেইখনৰ মূল বিষয় আছিল মূল্যবৃদ্ধি । মূল্যবৃদ্ধি বৰ্তমান সময়ত সাধাৰণ ৰাইজৰ এটা ডাঙৰ সমস্যা । সাধাৰণ ৰাইজে গাঁথিৰ ধন ভাঙি এই বেনাৰবোৰ লগাইছে । মূল্যবৃদ্ধিৰ কথা কওঁতেই শাসকীয় পক্ষই বেনাৰ ফালিলে বুলি অভিযোগ উত্থাপন কৰে বিবেক দাসে ৷

লগতে পঢ়ক : পাকিস্তান জিন্দবাদ ধ্বনি দিয়া লোকৰ ভোট নালাগে বিজেপিক !