বিশ্বনাথ, 15 জুলাই: ৰাজ্যত অব্যাহত আছে গৰুৰ চোৰাং বেহা । বুধবাৰে বিশ্বনাথ আৰক্ষীয়ে জব্দ কৰিবলৈ সক্ষম হয় গৰুভৰ্তি 10 খনকৈ ট্ৰাক ৷ আনহাতে, আটক কৰিবলৈ সক্ষম হয় 34 জন ব্যক্তিক ৷ আটকাধীন ট্ৰাকখনৰ পৰা মুঠ 237 টা গৰু জব্দ কৰে আৰক্ষীয়ে ।
বিশ্বনাথত জব্দ গৰু ভৰ্তি ট্ৰাক
উল্লেখ্য যে, দীৰ্ঘদিন ধৰি লখিমপুৰ, ধেমাজি, চিলাপথাৰৰ পৰা দৈনিক গাড়ীয়ে গাড়ীয়ে অবৈধভাৱে গৰু সৰবৰাহৰ তথ্য লাভ কৰি আহিছিল বিশ্বনাথ জিলা আৰক্ষীয়ে ৷ এক গোপন তথ্যৰ ভিত্তিতেই বুধবাৰে বিশ্বনাথৰ গহপুৰ আৰক্ষী আৰু জিনজিয়া আৰক্ষীয়ে অভিযান চলাই 10 খনকৈ গৰু ভৰ্তি ট্ৰাক জব্দ কৰিবলৈ সক্ষম হয় ৷ গাড়ী চালক, হেণ্ডিমেনক আৰক্ষীয়ে সোধ পোছৰ বাবে আটক কৰিবলৈ সক্ষম হয় যদিও কোনো এজন বেপাৰীক আৰক্ষীয়ে আটক কৰিবলৈ সক্ষম নহয় ।