বিশ্বনাথ, 16 আগষ্টঃ বৃহস্পতিবাৰে সন্ধিয়া বিশ্বনাথ জিলাৰ বাঘমাৰীত সংঘটিত পথ দুৰ্ঘটনাক লৈ সৃষ্টি হৈছিল চাঞ্চল্যৰ ৷ কিয়নো দুৰ্ঘটনাতো বিত্ত মন্ত্ৰী হিমন্ত বিশ্ব শৰ্মাৰ কনভয়ৰ গাড়ী খুন্দাত সংঘটিত বুলি প্ৰচাৰ হৈছিল ৷ কিন্তু এই ঘটনাৰ ওপৰত বিপৰীত মন্তব্য দিয়ে বিশ্বনাথ জিলা আৰক্ষী অধীক্ষকে ৷ আৰক্ষী অধীক্ষকজনে সাংবাদিকৰ আগত কয় যে দুৰ্ঘটনাটোৰ লগত জড়িত নহয় মন্ত্ৰী হিমন্ত বিশ্ব শৰ্মা ৷ মন্ত্ৰীগৰাকীৰ কনভয় উপস্থিত হোৱাৰ পূৰ্বেই সংঘটিত হৈছিল দুৰ্ঘটনাটো ৷ তেওঁ পুনৰ কয় যে দুৰ্ঘটনাস্থলীত মন্ত্ৰীগৰাকী উপস্থিত হৈ দুৰ্ঘটনাগ্ৰস্ত যুৱক দুজনক কনভয়ৰ গাড়ীৰে হাস্পাতাল লৈ যোৱাত সহায় হে কৰিছিল মন্ত্ৰীগৰাকীয়ে ৷
বিশ্বনাথৰ পথ দুৰ্ঘটনাকলৈ জিলা আৰক্ষী অধীক্ষকৰ প্ৰতিক্ৰিয়া