বিহালীত আন্তৰ্জাতিক নাৰী দিৱস উদযাপন

নাৰী দিৱসৰ লগত সংগতি ৰাখি এক প্ৰতিবাদী সমদলো বাহিৰ কৰে প্ৰগতিশীল নাৰী সন্থাই।

বিহালী, 8 মাৰ্চঃসদৌ অসম প্ৰগতিশীল নাৰী সন্থাৰ বিশ্বনাথ জিলা সমিতি উদ্যোগত দেওবাৰে নাৰী দিৱস পালন কৰা হয় ৷ নাৰী দিৱসৰ লগত সংগতি ৰাখি এক প্ৰতিবাদী সমদলো বাহিৰ কৰে প্ৰগতিশীল নাৰী সন্থাই । নাৰী দিৱসৰ উদ্দেশ্যে উলিওৱা ৰেলীত কৃষক নেতা অখিল গগৈৰ লগতে আটাইকেইজন কাৰাবন্দীক বিনা চৰ্তে মুকলি কৰা দাবী জনাই মহিলাসকলে ৷

পৰৱৰ্তী সময়ত মহিলাসকলে বৰগাংৰ বিষ্ণু ৰাভা মঞ্চত এখন প্ৰতিবাদী সভা অনুষ্ঠিত কৰে ৷ উক্ত নাৰী দিৱসৰ কাৰ্যসূচীত অংশগ্ৰহণ কৰে সুলেখিকা মফিদা খাতুন, চি.পি.আই এম.এল দলৰ নেতা বিবেক দাসৰ লগতে কেইবাগৰাকী বিশিষ্ট লোক ৷