বিশ্বনাথ,13 ফেব্ৰুৱাৰী: বিশ্বনাথত উপস্থিত হয় নাগৰিকত্ব সংশোধনী আইনৰ বিৰুদ্ধে প্ৰদেশ কংগ্ৰেছৰ জনজাগৰণ সভা ৷ শদিয়াপৰা ধুবুৰীলৈ প্ৰদেশ কংগ্ৰেছ কমিতিয়ে নাগৰিকত্ব সংশোধনী আইনৰ বিৰুদ্ধে জনজাগৰণ সভা ঘোষণা কৰা পাছত অসমৰ শদিয়াপৰা আৰম্ভ কৰা জনজাগৰণ প্ৰতিবাদী সভা আৰু সমদল বৃহস্পতিবাৰে বিশ্বনাথ চাৰিআলিত উপস্থিত হয়।
হিমন্ত বিশ্ব শৰ্মাক সংবিধান পঢ়িবলৈ আহ্বান ৰিপুন বৰাৰ
প্ৰদেশ কংগ্ৰেছৰ সভাপতি ৰিপুন বৰা নেতৃত্বত ওলোৱা এই কা" বিৰোধী প্ৰতিবাদী সমদল আজি বিশ্বনাথ চাৰিআলি চন্দ্ৰপুৰ বাকৰি পৰা বিশ্বনাথ চহৰৰ মাজেৰে ১৫ নং ৰাষ্ট্ৰীয় ঘাইপথ বিশ্বনাথ জিলা আৰক্ষী অধীক্ষক কাৰ্যালয় সন্মুখত সামৰণি মাৰে ৷ লগতে এই সমদলৰ পূৰ্বে প্ৰদেশ কংগ্ৰেছৰ সভাপতি ৰিপুন বৰাই চন্দ্ৰপুৰ বাকৰিত এখনি প্ৰতিবাদী সভাত অংশগ্ৰহণ কৰি স্বাস্থ্যমন্ত্ৰী ডাঃহিমন্ত বিশ্ব শৰ্মাক কঠোৰ সমালোচনা কৰি তুলাধুনা দিয়ে ।