বিশ্বনাথত প্ৰচাৰ চলালে টিম প্ৰতিঘাতে

ৰাজ্যখনৰ বিভিন্ন প্ৰান্তত চলিছে 6 ডিচেম্বৰত মুক্তি পাবলগীয়া অসমীয়া ছবি প্ৰতিঘাতৰ প্ৰচাৰ

বিশ্বনাথ,17 নৱেম্বৰঃ ''মৌনতা আৰু কিমান এতিয়া মাথো প্ৰতিঘাত'' শীৰ্ষক এই শ্ল'গানেৰে আগবাঢ়িছে টিম প্ৰতিঘাত ৷ অসমীয়া চলচ্চিত্ৰ প্ৰেক্ষাগৃহত আগন্তুক 6 ডিচেম্বৰত মুক্তি পাব নতুন অসমীয়া ছবি "প্ৰতিঘাত" । ৰাজ্যখনৰ প্ৰান্তে প্ৰান্তে চলি আছে ছবিখনৰ প্ৰচাৰ ৷ এই বিশেষ প্ৰচাৰৰ বাবে প্ৰতিঘাতৰ সমূহ কলা কুশলী দেওবাৰে দুপৰীয়া উপস্থিত হয় বিশ্বনাথ চাৰিআলিত। অভিনেতা পদ্মৰাগ গোস্বামী , অমৃতা গগৈ সহ প্ৰতিঘাতৰ বহুকেইজন কলা কুশলী উপস্থিত থাকে এই প্ৰচাৰ অনুষ্ঠানত ৷