বিজেপিত যোগদান কংগ্ৰেছ কৰ্মী আৰু চি পি আই এম এলৰ সদস্যৰ

পূব বিহালী বিজেপিৰ মণ্ডল সমিতিৰ উদ্যোগত বিহালী বৰগাং খণ্ড উন্নয়ন প্ৰেক্ষাগৃহত আয়োজিত বিজেপিৰ এখন সভাত কংগ্ৰেছ কৰ্মী আৰু চি পি আই এম এলৰ বহু সদস্যই যোগদান কৰে ৷

বিশ্বনাথ,11আগষ্ট : কংগ্ৰেছ কৰ্মী আৰু চি পি আই এম এলৰ সদস্যইযোগদান কৰিলে বিজেপিত ৷ শনিবাৰে পূববিহালী বিজেপিৰ মণ্ডল সমিতিৰ উদ্যোগত বিহালী বৰগাং খণ্ড উন্নয়ন প্ৰেক্ষাগৃহত এখন সভা আয়োজন কৰা হয় ৷ এই সভাত শতাধিক কংগ্ৰেছ আৰু চি পি আই এম এল কৰ্মীয়ে যোগদান কৰে বিজেপিত ৷ এই সভাত উপস্থিত থাকে মন্ত্ৰী ৰণজিৎ দত্ত ৷ দত্তই সভাত উপস্থিত হৈ কংগ্ৰেছক কঠোৰ সমালোচনা কৰি কয়, কংগ্ৰেছ দল এতিয়া নাও ধৰা নাৱৰীয়া নোহোৱা দল । বিজেপি অবিহনে বিকল্প নাই ভাৰতবাসীৰ ৷ এতিয়া কংগ্ৰেছৰ সকলো নেতা-কৰ্মী বিজেপিলৈ ধাপলি মেলিছে ৷

আনহাতে মন্ত্ৰী গৰাকীয়ে কয়-বিজেপি দল দেশমাতৃৰ দল ৷ নতুনকৈ বিজেপিত যোগদান কৰা সদস্যসকলক মাতৃ ভুমিক সেৱা কৰাৰ উদ্দেশ্যৰে বিজেপি দলৰ হৈ কাম কৰিবলৈ আহ্বান জনাই দত্তই ৷ সভাত উপস্থিত থাকে পূব মণ্ডল সমিতি সভাপতি উৎপল বৰা, বিশ্বনাথ জিলা সভাপতি পৰেশ বৰকাকটী, সম্পাদক প্ৰেম চেত্ৰী ৷