বিশ্বনাথৰ হেলেমৰ অসম গ্ৰামীণ বিকাশ বেংকত অগ্নিকাণ্ড

বিশ্বনাথ জিলাৰ হেলেমৰ চন্দামাৰীস্থিত অসম গ্ৰামীণ বিকাশ বেংকত বুধবাৰে পুৱতি নিশা ৰহস্যজনক অগ্নিকাণ্ডৰ ঘটনা ৷ জুইত জাহ গ'ল বেংকটোৰ সকলো আচবাব, নথি পত্ৰ ৷ ৰহস্যৰ আৱৰ্তত সমগ্ৰ ঘটনা ৷

বিশ্বনাথ, 5 ডিচেম্বৰঃ বুধবাৰে পুৱতি নিশা তিনি বজাত বিশ্বনাথ জিলাৰ হেলেমৰ চন্দামাৰীস্থিত অসম গ্ৰামীণ বিকাশ বেংকৰ শাখাত অগ্নিকাণ্ডৰ ঘটনা সংঘটিত হয় ৷ বিধ্বংসী অগ্নিকাণ্ডত বেংকটোৰ নথিপত্ৰ আচবাব সকলো জুইত জাহ যায় ৷ দুৰ্বৃত্তই জ্বলাই দিয়াৰ সন্দেহ প্ৰকাশ কৰিছে স্থানীয় ৰাইজ তথা বেংক কৰ্তৃপক্ষই ।উল্লেখ্য যে তিনিদিন পূৰ্বেও টিনপাত ভাঙি চোৰ সোমাই লণ্ড ভণ্ড কৰিছিল বেংকৰ নথি পত্ৰ, লগতে ভাঙি পেলাইছিল দুটাকৈ কম্পিউটাৰ।

অগ্নিকাণ্ডত বেংকটোৰ নথিপত্ৰ আচবাব সকলো জুইত জাহ যায়

ইফালে তিনি দিন পূৰ্বে চোৰ সোমাই লণ্ড ভণ্ড কৰাৰ পাছতো বেংকটোৰ কৰ্মচাৰী তথা পৰিচালক গৰাকী সজাগ নোহোৱা ঘটনাই ৰহস্যৰ সৃষ্টি কৰিছে । ইফালে এই অগ্নি কাণ্ডৰ ঘটনাৰ লগতে ডকাইতি সংঘটিত হোৱাৰো সন্দেহ প্ৰকাশ কৰিছে স্থানীয় ৰাইজে। ঘটনাস্থলীত আৰক্ষী উপস্থিত হৈ তদন্ত আৰম্ভ কৰিছে ৷

লগতে পঢ়কঃথাইলেণ্ডৰ পৰা দ্বীপজ্যোতি বড়োই আজুৰি আনিলে মিষ্টাৰ ইউনিভাৰ্চ খিতাপ