বিশ্বনাথত জাল মাৰ্কচিট চক্ৰ উৎখাত: এজন আটক

চক্ৰটোৰে ছেবা কৰ্মচাৰী জড়িত থকাৰ সম্ভাৱনা ৷ আৰক্ষীৰ তদন্ত আৰম্ভ ৷

বিশ্বনাথ, 27 ছেপ্তেম্বৰ: ৰাজ্যত পুনৰ সক্ৰিয়জাল মাৰ্কচিট আৰু চাৰ্টিফিকেট যোগান চক্ৰ ৷ শুকুৰবাৰে বিশ্বনাথ চাৰিআলিত আৰক্ষীয়ে উৎখাত কৰে এটা বৃহৎ জাল মাৰ্কচিট আৰু চাৰ্টিফিকেট যোগানকাৰী চক্ৰ ৷ তথ্য অনুসৰি দীৰ্ঘদিন ধৰি ধনৰ বিনিময়ত হাইস্কুল শিক্ষান্ত পৰীক্ষা অনুৰ্ত্তীণ ছাত্ৰ-ছাত্ৰীক জাল মাৰ্কচিট আৰু ছাৰ্টিফিকেটৰ যোগান ধৰি আহিছিল চক্ৰটোৱে ৷ আৰক্ষীয়ে অভিয়ান চলাই বিশ্বনাথ চাৰিআলি বালিপুখুৰীৰ পৰা চক্ৰটোৰ নিৰ্মল গোৱালা নামৰ এজন সদস্যক গ্ৰেপ্তাৰ কৰিবলৈ সক্ষম হৈছে ৷ ইফালে চক্ৰটোৰে ছেবা কৰ্মচাৰী জড়িত থকাৰ সম্ভাৱনা বৃদ্ধি পোৱাত বিশ্বনাথ জিলাৰ আৰক্ষী অধীক্ষক ৰাকেশ ৰোচনে বিষয়টো গুৰুত্বসহকাৰে লৈছে বুলি সাংবাদিকৰ আগত জানিবলৈ দিয়ে ৷