বিশ্বনাথ, 1 জুন : লক্ ডাউন সময়ত কেন্দ্ৰীয় চৰকাৰে দৰিদ্ৰ জনতাৰ বাবে কিছুমান আঁচনি ঘোষণা কৰিছে যদিও সেই আঁচনি সমূহ দৰিদ্ৰ জনতাই লাভ নকৰাৰ অভিযোগ বিৰোধী দল কংগ্ৰেছৰ ৷ এই সময়ছোৱাত একাংশ বিজেপি নেতা-পালিনেতাই নিজৰ ব্যক্তিগত মুনাফা আদায় কৰাৰ ব্যস্ত হৈ পৰাৰ অভিযোগ উখাপন কৰে বিশ্বনাথ জিলাৰ কংগ্ৰেছৰ নেতা অঞ্জন বৰাই ৷
তেওঁ আকৌ জনাই যে,কেন্দ্ৰীয় চৰকাৰে ঘোষণা কৰা বিভিন্ন পেকেজ সমুহ আজিও গাঁৱৰ জনসাধাৰণে লাভ নকৰা অভিযোগ উত্থাপিত কৰিছে নেতা গৰাকীয়ে ৷ ইফালে,এই লক ডাউনৰ সময়ত বিশেষকৈ মধ্যভোগী ব্যৱসায়,চাহ হোটেল,কাপোৰ দোকানী,পাণ-তামোলৰ দোকানী,চিলাই মেচিন ব্যৱসায়,মোবাইল দোকানী, চাইকেল দোকানী,ব্ৰয়লাৰ ব্যৱসায়ী,মাছ ব্যৱসায়ী,শাক পাচলি ব্যৱসায়ী,বিউটি পাৰ্লি,চেলুনৰ লগতে কৃষকৰ অধিক ক্ষতি হৈছে ৷ এই লোক সকলক শীঘ্ৰে চৰকাৰে উপযুক্ত ক্ষতি পূৰণৰ দাবী জনাইছে প্ৰদেশ কংগ্ৰেছ কমিতিৰ সদস্য সকলে ।