নৱজাতৰ মৃত্যুক কেন্দ্ৰ কৰি বিশ্বনাথৰ নিজ বাঘমাৰীত তীব্ৰ চাঞ্চল্য

বিশ্বনাথৰ নিজ বাঘমাৰীত এটি নৱজাতকৰ মৃত্যুক কেন্দ্ৰ কৰি সৃষ্টি হয় তীব্ৰ চাঞ্চল্যৰ ৷ জন্মৰ এঘন্টাৰ পাচতে নৱজাতকক হত্যা কৰি পুতি থোৱাৰ সন্দেহ স্থানীয় ৰাইজৰ ৷ অবৈধ সম্পৰ্ক থকাৰ কথা পোহৰলৈ আহিব বুলি আশংকা কৰি নৱজাতকক হত্যা কৰি পুতি থোৱাৰ কথা স্বীকাৰ কৰে দোষীয়ে ৷

বিহালী, 27 মে': এটি নৱজাতকৰ মৃত্যুক কেন্দ্ৰ কৰি বিশ্বনাথৰ নিজ বাঘমাৰীত তীব্ৰ চাঞ্চল্য ৷ জন্মৰ এঘন্টাৰ পাচতে নৱজাতকক হত্যা কৰি পুতি থোৱাৰ সন্দেহ স্থানীয় ৰাইজৰ ৷ ঘটনা অনুসৰি, বিশ্বনাথৰ নিজ বাঘমাৰীৰ এগৰাকী বিধৱা মহিলাই বৃহস্পতিবাৰে পুৱা এটি সন্মান জন্ম দিয়ে; কিন্তু সন্তান জন্ম দিয়াৰ এঘন্টা পাচতে মহিলা গৰাকী অচেতন হৈ থকাৰ সময়তে মহিলাগৰাকীৰ দেওৰেকে দেৱশিশুটিৰ মৃত্যু হোৱা বুলি কৈ ঘৰৰ পাচফালে পুতি থৈ আহে ৷

এই ঘটনা পোহৰলৈ অহাৰ পাচতে মহিলা গৰাকীৰ ভগ্নীয়ে স্থানীয় ৰাইজ আৰু গাঁওবাসীক মৃত্যু হোৱা নৱজাতকটিৰ পিতৃ মহিলাগৰাকীৰ দেওৰেক বুলি উল্লেখ কৰে ৷ লগতে ৰাতিপুৱা জন্ম হোৱা নৱজাতকটিক দেওৰেকে হত্যা কৰে বুলি অভিযোগ উত্থাপন কৰি দীৰ্ঘদিনৰ পৰা দুয়ো মাজত অবৈধ সম্পৰ্ক থকাৰ কথা প্ৰকাশ কৰে ৷ লগতে অবৈধ সম্পৰ্কৰ কথা পোহৰলৈ আহিব বুলি আশংকা কৰি নৱজাতকক হত্যা কৰি পুতি থোৱাৰ কথা স্বীকাৰ কৰে দোষীয়ে ৷

লগতে পঢ়ক:শৰাইঘাট দলঙত মৃতদেহ উদ্ধাৰৰ ঘটনাত তিনি অভিযুক্ত গ্ৰেপ্তাৰ