বিশ্বনাথত খাৱৈত সোমাল তেলভৰ্তি টেংকাৰ

জিনজিয়া আৰক্ষী থানাৰ ভাৰ প্ৰাপ্ত আৰক্ষী বিষয়া আৰু বিশ্বনাথৰ উপ আৰক্ষী অধীক্ষক সহিত অগ্নি নিৰ্বাপক বাহিনী উপস্থিত হৈ নিয়ন্ত্ৰণ কৰে পৰিস্থিতি

বিশ্বনাথ,11 ছেপ্তেম্বৰ: মঙলবাৰে নিশা বিশ্বনাথৰ জিনজিয়া আৰক্ষী চকীৰ অন্তৰ্গত 15 নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা৷ নিয়ন্ত্ৰণ হেৰুৱাই পথৰ দাঁতিৰ দ'-খাৱৈত সোমাই পৰে বিশ্বনাথ চাৰিআলি পৰা লখিমপুৰ অভিমুখে গৈ থকা AS 11BC 7616 নম্বৰৰ এখন তেল ভৰ্ত্তি তেল টেংকাৰ ৷

এই ঘটনাৰ পাছতেই আতংকিত হৈ পৰে অঞ্চলটোৰ স্থানীয় ৰাইজ ৷ আতংকিত ৰাইজে ঘৰ বাৰী এৰি পলায়ন কৰে নিৰাপদ স্থানলৈ ৷ কিছু সময়ৰ পাছতে ঘটনা স্থলীত জিনজিয়া আৰক্ষী থানাৰ ভাৰ প্ৰাপ্ত আৰক্ষী বিষয়া আৰু বিশ্বনাথৰ উপ আৰক্ষী অধীক্ষক সহিত অগ্নি নিৰ্বাপক বাহিনী উপস্থিত হৈ নিয়ন্ত্ৰণ কৰে পৰিস্থিতি ৷