বিহালী প্ৰেছ ক্লাৱৰ প্ৰতিষ্ঠা দিৱস

বিহালী সাংবাদিকসকলৰ উমৈহতীয়া অনুষ্ঠান বিহালী প্ৰেছ ক্লাৱৰ ২৬ সংখ্যক প্ৰতিষ্ঠা দিৱস পালন । অসম সাহিত্য সভাৰ দক্ষিণ বিহালী শাখাৰ আজীৱন সদস্য জয়ন্ত বৰাসহ সভাত বহু বিশিষ্ট ব্য়ক্তিয়ে অংশ লয় ।

বিশ্বনাথ , ১ জানুৱাৰী : বিশ্বনাথ জিলাৰ বিহালীত ইংৰাজী নৱবৰ্ষৰ প্ৰথমটো দিনতে এক বিশেষ অনুষ্ঠান । বিভিন্ন কাৰ্যসূচীৰে উদযাপন কৰা হয় বিহালী সাংবাদিক সকলৰ উমৈহতীয়া অনুষ্ঠান বিহালী প্ৰেছ ক্লাৱৰ ২৬ সংখ্যক প্ৰতিষ্ঠা দিৱস । বেদেতীৰ কস্তুৰবা গ্ৰাম সেৱা কেন্দ্ৰৰ প্ৰাংগণত প্ৰেছ ক্লাৱৰ পতাকা উত্তোলন কৰে সভাপতি দীপক শৰ্মাই । ক্লাৱৰ সম্পাদক খগেন মটকে আতঁ ধৰা কাৰ্যসূচীত বক্তব্য প্ৰদান কৰে সভাপতি দীপক শৰ্মা, সেৱা কেন্দ্ৰৰ সভাপতি প্ৰবীন বৰা, বিহালী প্ৰেছ ক্লাৱৰ প্ৰাক্তন সভাপতি বীৰেন্দ্ৰনাথ গোস্বামী আৰু সমাজ কৰ্মী মহম্মদ আলি হুচেইনে ।

সভাত অংশ লয় অসম সাহিত্য সভাৰ দক্ষিণ বিহালী শাখাৰ আজীৱন সদস্য জয়ন্ত বৰাসহ বহু বিশিষ্ট ব্য়ক্তিয়ে । উল্লেখ যে অঞ্চলটোৰ কেইবাগৰাকী ব্য়ক্তিৰ প্ৰচেষ্টাত ১৯৯৫ চনৰ ১ জানুৱাৰীৰ দিনটোতে বিহালী প্ৰেছ ক্লাৱে প্ৰতিষ্ঠা লাভ কৰিছিল ।

লগতে পঢ়ক :বিটিআৰৰ স্বাস্থ্য বিভাগৰ দায়িত্ব অৰূপ কুমাৰ দেক