বিশ্বনাথ, 22 মে': বিশ্বনাথ জিলাৰ বিহালীৰ বিহমাৰী গাওঁ পঞ্চায়তৰ এটা পথৰ বাবে জ্বলা-কলা খাব লগা হৈছে গাওঁবাসীয়ে । বিগত পাচঁটা বৰ্ষতো এচপৰা মাটি নপৰিল লালপুখুৰী মধুপুৰহৈ বিহমাৰী চেণ্টাৰ সংযোগী পথত ৷ যাৰ বাবে প্ৰতি বছৰে বাৰিষা কালত একাঠু বোকাত বিপদজনক ভাৱে যাতায়ত কৰিব লাগে গাওঁটোৰ ছাত্ৰ-ছাত্ৰী সকলে ।
বিহালীত ৰাস্তা নিৰ্মাণ নোহোৱাত ৰাইজৰ ক্ষোভ
শনিবাৰে গাৱঁৰ একাংশ মহিলাই সাংবাদিকক অৱগত কৰে যে, আমি বিজেপি দলকে ভোট দি আহিছো ৷ বিগত 6 টা বছৰে গাওঁবাসীয়ে বিজেপিকে জয়যুক্ত কৰি আহিছে , কিন্তু লালপুখুৰী মধুপুৰহৈ বিহমাৰী চেণ্টাৰৰ সংযোগী পথটো নিৰ্মাণ কৰিব লাগে বুলি বিহমাৰী পঞ্চায়তত একাধিক বাৰ অৱগত কৰা হৈছে ৷ কিন্তু তেওঁলোকৰ দাবীত কোনো গুৰুত্ব প্ৰদান নকৰিলে পঞ্চায়তৰ প্ৰতিনিধি সকলে ৷