বিশ্বনাথ,27নৱেম্বৰঃশুকুবাৰে বিহালী সমষ্টিৰ বাঘমৰা বিজেপি মণ্ডলৰ এখন বিশেষ সাংগঠনিক সভা অনুষ্ঠিত হৈ যায় । বাঘমৰা বিজেপি মণ্ডলৰ সভাপতি দধীৰাম শৰ্মাৰ সভাপতিত্বত অনুষ্ঠিত হোৱা সভাখনত জৰাবাৰী আৰু বুঢ়ীগাং পঞ্চায়তৰ অধিকাংশ বিজেপি কৰ্মী উপস্থিত থাকে ।
বিহালী বিজেপি বাঘমৰা মণ্ডলৰ বিশেষ সাংগঠনিক সভা সম্পন্ন
বিশেষ সাংগঠনিক সভাখনত উপস্থিত থাকে বিহালী সমষ্টি বিধায়ক তথা কেৱিনেট মন্ত্ৰী ৰঞ্জিত দত্ত । বিধায়ক গৰাকী উপস্থিতি থাকি দলৰ সাংগঠনিক দিশৰ ওপৰত বিষদ ভাৱে আলোচনা কৰা লগতে আগন্তুক নিৰ্বাচনত কি দৰে বিহালী সমষ্টিৰ বিজেপি কৰ্মী সকল সক্ৰিয় ভাৱে কাম কৰিব লাগিব তাৰ ওপৰতো মন্তব্য প্ৰদান কৰে ।
বিহালী বিজেপি বাঘমৰা মণ্ডলৰ বিশেষ সাংগঠনিক সভা সম্পন্ন
বিধায়ক তথা মন্ত্ৰী দত্তই প্ৰতিজন কৰ্মীৰ অভাৱ অভিযোগৰ বুজ লয় । সভাত আগন্তুক ২০২১ চনৰ বিধান সভা নিৰ্বাচনৰ বাবে সাজু থাকিবলৈ দলীয় কৰ্মীৰ প্ৰতিগৰাকীয়ে কৰ্মীয়ে দিন ৰাতি কষ্ট কৰিলেহে দলটো অধিক শক্তিশালী হ'ব বুলি মন্তব্য কৰে দত্তই । ইফালে এই সভাতে বাঘমৰা মণ্ডলৰ ৮৯ গৰাকী ব্যক্তিক বিধায়ক উন্নয়ন পুঁজি SUHRID আচঁনিৰ অধীনত উন্নত চিকিৎসাৰ বাবে চেক প্ৰদান কৰে সমষ্টি বিধায়ক তথা মন্ত্ৰী ৰঞ্জিত দত্তই ।
লগতে পঢ়কঃ ‘Cyclone’ কি?