হাতত হেণ্ডকাফ লৈ পলাল কয়দী

বিশ্বনাথ চাৰিআলি ন্যায়িক দণ্ডাধীশৰ আদালতৰ পৰা পলাল দুজন কয়দী । পলোৱা কয়দী কেইজনৰ নাম ছাহজাহান আৰু মুস্তাফা বুলি জানিব পৰা গৈছে । অৱশ্যে আৰক্ষীয়ে খেদি খেদি ছাজাহান আলী নামৰ কয়দী জনক নিলপুৰ চাহ বাগিচাৰ পৰা পুনৰ কৰায়ত্ত কৰে ৷

বিশ্বনাথ, ১১ জুলাইঃ বিশ্বনাথ চাৰিআলি ন্যায়িক দণ্ডাধীশৰ আদালতৰ পৰা পলাল দুজন কয়দী । পলোৱা কয়দী কেইজনৰ নাম ছাহজাহান আৰু মুস্তাফা বুলি জানিব পৰা গৈছে ।

এইবাৰ ন্যায়িক দণ্ডাধীশৰ আদালতৰ পৰা কয়দীৰ পলায়ন । এই ঘটনা সংঘটিত হৈছে বিশ্বনাথ চাৰিআলিৰ ন্যায়িক দণ্ডাধীশৰ আদালতত | ছাহজাহান আৰু মুস্তাফা নামৰ দুজন কয়দীয়ে পলায়ন কৰে ন্যায়িক দণ্ডাধীশৰ আদালতৰ চৌহদৰ পৰা । অৱশ্যে আৰক্ষীয়ে খেদি খেদি ছাজাহান আলি নামৰ কয়দী জনক পুনৰ কৰায়ত্ত কৰিলে নিলপুৰ চাহ বাগিচা পৰা ৷

কিন্তু মুস্তাফা নামৰ কয়দী জনক বৰ্তমানেও আটক কৰিব পৰা নাই আৰক্ষীয়ে । কিন্তু আৰক্ষীয়ে মুস্তাফাক আটক কৰিবলৈ অব্যাহত ৰাখিছে অভিযান । জিলা কাৰাগাৰৰ পৰা আদালতত হাজিৰ কৰিবলৈ অনাৰ সময়তে পলায়ন কৰে কয়দী দুজন৷আনহাতে হাতত হেণ্ডকাফ সহ পলায়ন কৰিছে মুস্তাফাই ৷ আদালতৰ সুৰক্ষা ব্যৱস্থা সোপাধিলা হোৱাৰ বাবেই এই ঘটনা সংঘটিত হোৱা বুলি ৰাইজৰ মনত প্ৰশ্ন উত্থাপন হৈছে ৷

লগতে আন এটা বাতৰি- ৰাভা দিৱসৰ চান্দা নিদিয়াৰ বাবে জ্বলাই দিলে বিজেপি নেতাৰ ঘৰ