গ্ৰীণ আচিয়ানা চ'চাইটিৰ বানাক্ৰান্তলৈ সাহায্য

বিহালীৰ বানাক্ৰান্ত সকললৈ বিশেষ সাহায্য গ্ৰীণ আছিয়ানা ৱেলফেয়াৰ চ'চাইটিৰ কৰ্মকৰ্তাৰ

বিশ্বনাথ,16 জুলাইঃ বিশ্বনাথৰ অন্যতম স্বেচ্ছাসেৱী সংগঠন গ্ৰীণ আছিয়ানা ৱেলফেয়াৰ চ'চাইটিৰ কৰ্মকৰ্তাৰ এক প্ৰতিনিধি দলে বিহালীৰ বান বিধস্ত অঞ্চল পৰিদৰ্শন কৰি ৰাইজৰ দুখ-দুৰ্গতিৰ বুজ লয় । গ্ৰীণ চ'চাইটিৰ সঞ্চালক কিশোৰ (কল্প) হাজৰিকাৰ প্ৰচেষ্টাত বানাক্ৰান্ত ৰাইজক চাউল,ডালি,নিমখ, চাবোন আদি যোগান ধৰে সংগঠনটোৱে ।

স্বেচ্ছাসেৱী সংগঠন গ্ৰীণ আচিয়াণা চ'চাইটি সংগঠনৰ সদস্য সকলে মোনাবাৰী বুঢ়িগাং অঞ্চলত উপস্থিত হৈ খাদ্য সামগ্ৰী বিতৰণ কৰে । ইফালে এই বিতৰণত সহযোগ কৰে আটছাৰ সদস্যৰ লগতে, মোনাবাৰী গাওঁ পঞ্চায়তৰ আঞ্চলিক সদস্য, বিহু পুখুৰী গাওঁৰক্ষী বাহিনীৰ সম্পাদকেও সহযোগ কৰে৷

লগতে পঢ়কঃ নগাঁৱৰ ডুমডুমীয়াত এচিড আক্ৰমণৰ ঘটনা