প্ৰাক্তন বিত্তমন্ত্ৰী অৰুণ জেটলীৰ দেহাৱসানত ৰাজ্যিক বিজেপিৰ শোক

প্ৰাক্তন বিত্তমন্ত্ৰী তথা ভাৰতীয় জনতা পাৰ্টীৰ জ্যেষ্ঠ নেতা অৰুণ জেটলীৰ মৃত্যুত শোক প্ৰকাশ মুখ্যমন্ত্ৰী সৰ্বানন্দ সোণোৱাল, হিমন্ত বিশ্ব শৰ্মাৰ ৷ বিজেপিৰ জ্যেষ্ঠ নেতা ৰঞ্জিত দত্তৰ প্ৰতিক্ৰিয়া ৷

নিউজ ব্যুৰ’, 24 আগষ্ট : প্ৰাক্তন প্ৰধান অটল বিহাৰী বাজপেয়ী, প্ৰাক্তন কেন্দ্ৰীয় মন্ত্ৰী সুষমা স্বৰাজৰ পিছত আজি প্ৰাক্তন কেন্দ্ৰীয় মন্ত্ৰী অৰুণ জেটলীৰ মৃত্যুত অসমতো শোকৰ ছাঁ ৷ এইমছত চিকিৎসাধীন অৱস্থাত আজি প্ৰাক্তন কেন্দ্ৰীয় মন্ত্ৰী অৰুণ জেটলীয়ে শেষ নিশ্বাস ত্যাগ কৰাৰ পিছত শোকস্তব্ধ হৈ পৰিছে সমগ্ৰ দেশ ।

প্ৰাক্তন কেন্দ্ৰীয় মন্ত্ৰী অৰুণ জেটলীৰ মৃত্যুত শোক ব্যক্ত কৰিছে অসমৰ মুখ্যমন্ত্ৰী সৰ্বানন্দ সোণোৱাল,মন্ত্ৰী হিমন্ত বিশ্ব শৰ্মাৰ ৷ আনহাতে, ৰাজ্যৰ কেবিনেট মন্ত্ৰী তথা বিজেপিৰ জ্যেষ্ঠ নেতা ৰঞ্জিত দত্তই প্ৰকাশ কৰে প্ৰতিক্ৰিয়া ৷

ৰাজ্যৰ আন আন বিজেপি নেতা কৰ্মীয়েও প্ৰাক্তন কেন্দ্ৰীয় মন্ত্ৰীগৰাকীৰ মৃত্যুত শোক প্ৰকাশ কৰে ৷