বিশ্বনাথ,6 ফেব্ৰুৱাৰী: দুদিনীয়া কাৰ্যসূচীৰে 4 ফেব্ৰুৱাৰীৰ পৰা বিশ্বনাথ কৃষি মহাবিদ্যালয়ত অনুষ্ঠিত হৈছিল অসম চাহ জনজাতি ছাত্ৰ সন্থাৰ কেন্দ্ৰীয় সমিতিৰ সাধাৰণ পৰিষদৰ এক সভা ৷ উক্ত সভাত গ্ৰহণ কৰা হয় কেইবাটাও গুৰুত্বপূৰ্ণ সিদ্ধান্ত ৷ শুকুৰবাৰে মহাবিদ্যালয়খনৰ প্ৰেক্ষাগৃহত অনুষ্ঠিত এক সংবাদমেলৰ জৰিয়তে এই সিদ্ধান্তসমূহৰ বিষয়ে অৱগত কৰে আটছাৰ নেতৃবৰ্গই ৷ এই সংবাদমেলৰ জৰিয়তে 7 ফেব্ৰুৱাৰীত ঢেকিয়াজুলিত অনুষ্ঠিত হ’বলগীয়া প্ৰধানমন্ত্ৰী নৰেন্দ্ৰ মোডীৰ জনসভা বৰ্জন কৰিবলৈ আটছাই চাহ শ্ৰমিকসকলক আহ্বান জনায় ৷ তদুপৰি এই সম্পৰ্কে চাহ জনগোষ্ঠীয় ৰাইজৰ মাজত সজাগতা সৃষ্টি কৰাৰো লক্ষ্য নিৰ্ধাৰণ কৰিছে সংগঠনটোৰ নেতৃবৰ্গই ৷
আটছাৰ কেন্দ্ৰীয় সাধাৰণ পৰিষদৰ সভা সমাপ্ত