জনীয়া,1 মে’: কলগাছিয়াৰ পৰা বলাইপাথাৰলৈ যোৱা গড়কাপ্তানি পথৰ জৰাজীৰ্ণ অৱস্থাই এতিয়া জলাকলা খোৱাইছে পথচাৰী আৰু ছাত্ৰ-ছাত্ৰীক । বিগত সাত বছৰ ধৰি বলাইপাথাৰ গাঁৱৰ এই গড়কাপ্তানী পথটো জৰাজীৰ্ণ হৈ মাজে মাজে পুখুৰী সদৃশ গাঁতৰ সৃষ্টি হোৱাৰ ফলত যমৰ যাতনা ভুগিব লগা হৈছে সাধাৰণ ৰাইজে । যাৰ ফলত এই পথটোত সঘনাই সংঘটিত হৈ আহিছে সৰুবৰ দুৰ্ঘটনা ।
বলাইপাথাৰৰ বিধস্ত গড়কাপ্তানি পথে জলাকলা খোৱাইছে সাধাৰণ ৰাইজক
এই বিধস্ত পথৰ বাবে অঞ্চলটোলৈ এম্বুলেন্স নাইবা অগ্নিনিৰ্বাপক বাহন অহা যোৱাৰ ক্ষেত্ৰত চৰম অসুবিধাৰ সন্মুখীন হ’ব লগীয়া হয়। অতি গুৰুত্বপূৰ্ণ এই পথছোৱাৰে দৈনিক হাজাৰ হাজাৰ ৰাইজে অহা যোৱা কৰে যদিও ভীষণ অসুবিধাৰ সন্মুখীন হ’ব লগাত পৰিছে ।