বৰপেটা, 9 অক্টোবৰ: বৰপেটাৰ সদৰ থানাৰ অন্তগৰ্ত গৰেমাৰী গাঁৱত সংঘটিত হৈছে এক লোমহৰ্ষক হত্যাকাণ্ড ৷ জানিব পৰা মতে, ভূমি বিবাদক কেন্দ্ৰ কৰি সংঘটিত হৈছে এই নৃশংস হত্যাকাণ্ড ৷ ঘটনাটোৰ ফলত থিতাতে নিহত হৈছে দুই ভাতৃ ক্ৰমে সুৰপান আলী আৰু জলিল আলী ৷
উল্লেখযোগ্য যে, শনিবাৰে পুৱা সুৰপান আলীৰ ঘৰত সংঘটিত হৈছে এই হত্যাকাণ্ডটো ৷ গৰেমাৰী গাঁৱৰ সমীপৱৰ্তী চৰকপাৰ গাঁৱৰ পৰা অহা প্ৰায় 40 জনীয়া দুৰ্বৃত্তৰ এটা দলে সুৰপান আলীৰ ঘৰ সম্পূৰ্ণৰূপে চাৰিওফালৰ পৰা ঘেৰাও কৰি লয় ৷ তাৰ পাছতে দুই ভাতৃৰ ওপৰত দলবদ্ধভাৱে আক্ৰমণ চলায় দলটোৱে ৷ দা, জোং, লাঠী আদি বিভিন্ন ধৰণৰ মাৰণাস্ত্ৰ লৈ দলবদ্ধভাৱে আক্ৰমণ কৰাৰ ফলত ঘটনাস্থলীতে প্ৰাণ হেৰুৱাই জলিল আলী আৰু সুৰপান আলীয়ে ৷
বৰপেটাত নৃশংস ভাৱে 40 জনীয়া দুৰ্বৃত্তই হত্যা কৰিলে দুই ভাতৃক