Accident in Barpeta: বৰপেটাৰ শোকাবহ দুৰ্ঘটনাত মৃত্যু কিশোৰৰ

বৰপেটাত পুৱাই সংঘটিত হয় এক পথ দুৰ্ঘটনা (Tragic accident in Barpeta)। দুৰ্ঘটনাত মৃত্যু এজন কিশোৰৰ । ট্ৰেক্টৰৰ চেপাত মৃত্যু কিশোৰজনৰ । সমগ্ৰ অঞ্চলতে শোকৰ ছাঁ ।

বৰপেটা, ২৮ জানুৱাৰী : বৰপেটা জিলাত শুকুৰবাৰে পুৱাই সংঘটিত হয় এক শোকাবহ পথ দুৰ্ঘটনা (Tragic accident in Barpeta)। ট্ৰেক্টৰৰ চেপাত মৃত্যু এগৰাকী কিশোৰৰ । বৰপেটাৰ ক্ষুদ্ৰ ফালাদিত সংঘটিত হৈছে দুৰ্ঘটনাটো । দুৰ্ঘটনাৰ পাছতে সমগ্ৰ অঞ্চলত শোকৰ ছাঁ ।

জানিব পৰা মতে মৃত কিশোৰগৰাকীৰ নাম ৰুবুল আলী । চাইকেলেৰে আহি থকা অৱস্থাত ট্ৰেক্টৰৰ তলত সোমাই ৰুবুল আলী নামৰ ১১ বছৰীয়া কিশোৰজন । স্থানীয় লোকে কিশোৰজনক উদ্ধাৰ কৰি চিকিৎসালয়লৈ প্ৰেৰণ কৰে । কিন্তু অৱশেষত কৰুণ মৃত্যুক আঁকোৱালি লয় কিশোৰজনে ।

দুৰ্ঘটনাৰ খবৰ পোৱাৰ লগে লগে ঘটনাস্থলীত বৰপেটা জিলাৰ উপ আৰক্ষী অধীক্ষক সমীৰ দপ্তৰ বৰুৱা, সৰ্থেবাৰী আৰক্ষী থানাৰ ভাৰপ্ৰাপ্ত আৰক্ষী বিষয়া গৌৰাঙ্গ দেৱ, উপ-পৰিদৰ্শক দিপুল শৰ্মা উপস্থিত হয় ।

লগতে পঢ়ক:নগাঁও আৱৰ্ত ভৱনত সাক্ষ্যদান কৰিবলৈ উপস্থিত কীৰ্তিকমল বৰাৰ পিতৃ মাতৃ