ন্যায় পালেনে অভিশপ্ত 30 অক্টোবৰত প্ৰাণ হেৰুওৱা লোকৰ পৰিয়ালে ?
সন্ত্ৰাস জৰ্জৰ অসমৰ উগ্ৰবাদৰ ইতিহাসৰ এক মচিব নোৱাৰা ক’লা অধ্যায় 30 অক্টোবৰ ৷ আজিৰ এই দিনটোতেই গুৱাহাটী মহানগৰীত হোৱা ধাৰাবাহিক বিস্ফোৰণত প্ৰাণ হেৰুৱাইছিল বহু নিৰীহ লোকে ৷ পিছে ন্যায় লাভ কৰিবলৈ সক্ষম হ’ল বিস্ফোৰণত প্ৰাণ হেৰুওৱা লোকৰ পৰিয়ালে? সবিশেষ জানো আহক ৷
উপ-নিৰ্বাচনৰ ভোট গ্ৰহণ : বিয়লি তিনি বজালৈ 64.3 শতাংশ ভোটদান
ৰাজ্যৰ পাঁচটা সমষ্টিত চলি আছে উপ-নিৰ্বাচনৰ ভোট গ্ৰহণ ৷ বিয়লি তিনি বজালৈ 64.3 শতাংশ ভোটদান সম্পন্ন ৷
উন্নয়নৰ স্বাৰ্থতেই ৰাইজে ভোট দিছে বিজেপিক : ৰূপজ্যোতি কুৰ্মী
ভোটগ্ৰহণ কেন্দ্ৰই কেন্দ্ৰই উপস্থিত মৰিয়নী সমষ্টি(Mariani Constituency)ৰ বিজেপি প্ৰাৰ্থী ৰূপজ্যোতি কুৰ্মী(Rupjyoti Kurmi)৷ আন কোনো দলৰ সৈতে বিজেপি দলৰ প্ৰতিযোগিতা নহয় ৷ উন্নয়নৰ স্বাৰ্থতেই ৰাইজে বিজেপিক ভোট দিছে ৷ স্বতঃস্ফূৰ্তভাৱে ওলাই আহি বিজেপিৰ পক্ষত ভোটাধিকাৰ সাব্যস্ত কৰিছে ৰাইজে ৷ সমষ্টিটোৰ কোনো কোনো কেন্দ্ৰত ৰাইজৰ দল আৰু কংগ্ৰেছৰ টেবুলেই বহা নাই ৷ এয়া বিজেপিৰ বিজয়ৰ অন্যতম লক্ষণ ৷ ভোটকেন্দ্ৰত উপস্থিত হৈ সাংবাদিকৰ আগত এইদৰে মন্তব্য কৰে ৰূপজ্যোতি কুৰ্মীয়ে ৷
বিপিএফৰ প্ৰাৰ্থী ধ্ৰুৱ কুমাৰ ব্ৰহ্ম নাৰ্জাৰীৰ গোঁসাইগাঁৱত ভোটদান
শনিবাৰে অনুষ্ঠিত ২৮ নং গোঁসাইগাঁও বিধানসভা সমষ্টিৰ উপ নিৰ্বাচনত বিপিএফৰ নিৰ্বাচনী প্ৰাৰ্থী ধ্ৰুৱ কুমাৰ ব্ৰহ্ম নাৰ্জাৰীৰ ভোটদান ৷ কোকৰাঝাৰৰ বিশুৰাম মেম’ৰিয়েল মধ্য ইংৰাজী বিদ্যালয়ৰ ভোটগ্ৰহণ কেন্দ্ৰত ভোট প্ৰদান কৰে প্ৰাৰ্থীগৰাকীয়ে ৷ প্ৰায় 20,000-25,000 হেজাৰ ভোটৰ ব্যৱধানত প্ৰাৰ্থীগৰাকী জয়ী হ’ব বুলি সংবাদ মাধ্যমৰ আগত দাবী কৰে নাৰ্জাৰীয়ে ৷
অসম-ত্ৰিপুৰা সীমান্তৰ চূড়াইবাৰীত আটক 4 বাংলাদেশী
অসম-ত্ৰিপুৰা সীমান্তৰ চূড়াইবাৰীত চাৰি বাংলাদেশী নাগৰিক(Bangladeshi Citizen) আটক ৷ বাংলাদেশৰ পৰা ত্ৰিপুৰা হৈ নৈশ বাছেৰে অসমত প্ৰৱেশ কৰোতেই চূড়াইবাৰী আৰক্ষী(Churaibari Police)য়ে আটক কৰে সন্দেহজনক বাংলাদেশী কেইজনক ৷ আটকাধীন চাৰি বাংলাদেশী মন্দিৰ আক্ৰমণ কাণ্ডৰ সৈতে জড়িত থকাৰ সন্দেহ প্ৰকাশ কৰিছে আৰক্ষীয়ে ৷