বিলাসী বাহনত ছাগলী চুৰি কৰি ৰঙা ঘৰৰ আলহী চোৰ

লাংলা সাপ্তাহিক বজাৰত ধৰা পৰে তিনি ছাগলী চোৰ ৷ বিলাসী বাহনেৰে বৰপেটা ৰোডৰ মৈৰাঝাৰৰ পৰা ছাগলী চুৰি কৰি ধৰা পৰে ৰাইজৰ হাতত ৷

জনীয়া, 18 ডিচেম্বৰ: বিলাসী বাহনত ছাগলী চুৰি কৰি বৃহস্পতিবাৰে লাংলা সাপ্তাহিক বজাৰত ধৰা পৰে তিনি ছাগলী চোৰ ৷ AS 19 8974 নম্বৰৰ এখন মাৰুতি ভি আই পি গাড়ীৰে বৰপেটা ৰোডৰ মৈৰাঝাৰৰ পৰা তিনিটাকৈ ছাগলী চুৰি কৰি কলগাছিয়াৰ লাংলা বজাৰত বিক্ৰী কৰিব আহি ধৰা পৰে ৰাইজৰ হাতত । বিলাসী গাড়ীৰে চুৰি কৰা তিনিটাকৈ ছাগলীৰ সৈতে বাহন আৰু চোৰক আটক কৰিলে বৰভিটা আৰক্ষীয়ে ৷

বজাৰ পৰিচালনা সমিতিৰ সন্দেহৰ ভিত্তিত সোধ পোচ কৰে ছাগলী চোৰক ৷ ছাগলী চোৰৰ স্বীকাৰোক্তিৰ ভিত্তিত লাংলা বজাৰতে ৰাইজে ৰচীৰে বান্ধি উত্তম মাধ্যম শোধাই গতাই দিলে বৰভিটা আৰক্ষীক ৷ তিনি ভি আই পি ছাগলী চোৰ ক্ৰমে বৰপেটা ৰোডৰ খইৰাবাৰী গাঁৱৰ শাকিবুল হুছেইন, বৰপেটা ৰোডৰ আমিনুল ইছলাম আৰু গোৱৰধনা গাঁৱৰ ছাহাজামাল ৷

লগতে পঢ়ক:নামেৰী ৰাষ্ট্ৰীয় উদ্যানৰ ভিতৰত শিল-বালিৰ সৰবৰাহ