চিলনী চোৰে কাঢ়ি নিলে ৯০ হাজাৰ টকা

বৰপেটা চহৰত প্ৰতিদিনেই বৃদ্ধি পাইছে চিলনী চোৰৰ সন্ত্ৰাস ৷ মটৰ চাইকেলত অহা দুৰ্বৃত্তই কাঢ়ি নিলে ৯০ হাজাৰ টকা, চিচি কেমেৰাত আৱদ্ধ ধন কাঢ়ি নিয়াৰ সমগ্ৰ ঘটনা ৷

বৰপেটা, 1 আগষ্ট : ক্ৰমাৎ অপৰাধীৰ ৰম্যভূমিত পৰিণত হৈছে সত্ৰনগৰী বৰপেটা ৷ দুৰ্বৃত্তই ধন কাঢ়ি নিয়াৰ এক ঘটনা সংঘটিত হৈছে বৰপেটা চহৰৰ মাজমজিয়াত ৷ বৰপেটা জিলাৰ জনীয়াৰ গাগলমাৰী গাঁৱৰ নাছিৰ উদ্দিন নামৰ এই লোকজনে ষ্টেটবেংকৰ পৰা দুই লাখ টকা উলিয়াই এজন সংগীৰ সৈতে মটৰ চাইকেলত ঘৰলৈ গৈ থকাৰ সময়তে পালচাৰ মটৰ চাইকেলত অহা দুই দুবৃত্তই কাঢ়ি লৈ যায় ৯০ হাজাৰ টকাসহ এটা বেগ ৷ হিন্দী চিনেমাত ঘটা ঘটনাৰ দৰেই ধন লুটাৰ এই সমগ্ৰ দৃশ্য আৱদ্ধ হৈ ৰৈছে চিচি টিভি কেমেৰাত ৷ আকস্মিকভাৱে সংঘটিত হোৱা এই ঘটনাৰ পিচতে ভুক্তভোগী লোকজনে বৰপেটা সদৰ থানাত ৰুজু কৰে গোচৰ ৷ পিছে অপৰাধীক কৰায়ত্ব কৰাৰ বিপৰীতে ওলোতাই ভূক্তভোগী লোকজনকহে ধমকি দিয়ে বৰপেটা থানাৰ আৰক্ষী বিষয়াজনে ৷ অপৰাধীক কৰায়ত্ব কৰাৰ পৰিৱৰ্তে নিৰীহ ভুক্তভোগী লোকক অশোভনীয় আচৰনৰ বিৰুদ্ধে আৰক্ষী বিষয়াজনৰ ওপৰত ব্যৱস্থা গ্ৰহনৰ বাবেও দাবী জনাইছে লোকজনে ৷