কলগাছিয়াত হিউমেনিটি টীমে বিধৱা মহিলাক প্ৰদান কৰিলে গৃহ

কলগাছিয়াত ছ'চিয়েল মিডিয়া গ্ৰুপৰ ব্যতিক্ৰমী পদক্ষেপ ৷ বিধৱা মহিলাক নিৰ্মাণ কৰি দিলে গৃহ ৷

জনীয়া, 5 অক্টোবৰ :বৰপেটা জিলাৰ জনীয়া সমষ্টিৰ টাপেশ্বৰা গাঁও পঞ্চায়তৰ অন্তৰ্গত দাবন্দিয়া গাঁৱৰ প্ৰয়াত নৌশাদ আলীৰ পত্নী আছিয়া খাতুনক কলগাছিয়াৰ 'হিউমেনিটি টীম'ৰ উদ্যোগত আৰু ৰাইজৰ সহযোগত ঘৰ সাজি দিয়াৰ লগতে সোমবাৰে ঘৰটো আনুষ্ঠানিকভাৱে অৰ্পণ কৰে মহিলাগৰাকীক ।

উল্লেখযোগ্য যে, পৰিয়ালটিৰ দৰিদ্ৰতাৰ দৃশ্য কলগাছিয়াৰ সমাজ সেৱক চানমামুদ আহমেদ, সাংবাদিক জাহিদুল ইছলাম আৰু হেল্পলাইন ফাউণ্ডেচনৰ সভাপতি শ্বাফিউল হাছানে সামাজিক মাধ্যমত প্ৰচাৰ কৰিছিল । সেই প্ৰচাৰত সঁহাৰি জনাই বিভিন্ন পৰ্যায়ৰ ব্যক্তিয়ে পৰিয়ালটিলৈ সহায়ৰ হাত আগবঢ়ায় । লগতে পৰিয়ালটিক গৃহ নিৰ্মাণ কৰি দিলে 'হিউমেনিটি টীম' নামৰ এটি ছ'চিয়েল মিডিয়া গ্ৰুপে ৷

টীমৰ জৰিয়তে দৰিদ্ৰ পৰিয়ালটিক ঘৰ সাজি দিবলৈ বিভিন্ন জনে দান বৰঙণি আগবঢ়াইছিল । সেই দান বৰঙণিৰে নিৰ্মাণ কৰা ঘৰটো সোমবাৰে আনুষ্ঠানিকভাৱে পৰিয়ালটিক অৰ্পণ কৰে হিউমেনিটি টীমে ।

উল্লেখ্য যে, অনুষ্ঠানটোত মুখ্য অতিথি হিচাপে উপস্থিত থাকে কলগাছিয়া ৰাজহ চক্ৰৰ চক্ৰ বিষয়া বিশ্বজিত দত্তই ।

লগতে পঢ়ক :আধাৰ কাৰ্ডৰ নামত হাৰাশাস্তি টীয়কবাসীৰ