Saubhagya scheme scam: বৰপেটাত সৌৰ চাকি বিতৰণত ব্যাপক দুৰ্নীতি

বৰপেটাত সৌৰ চাকি বিতৰণত ব্যাপক দুৰ্নীতি সংঘটিত হৈছে (Saubhagya scheme scam at Kalgachia)। চৰকাৰী আঁচনিৰ নামত অহা সৌৰ চাকিৰ বিনিময়ত হিতাধিকাৰীৰ পৰা সংগ্ৰহ ২ হাজাৰৰ পৰা ৪ হাজাৰকৈ টকা । গাঁওবুঢ়া, খণ্ড সদস্য আৰু কংগ্ৰেছ নেতাৰ বিৰুদ্ধে গুৰুতৰ অভিযোগ ৰাইজৰ ।

জনীয়া,২৬ ফেব্ৰুৱাৰী : বৰপেটা জিলাৰ কলগাছিয়া ৰাজহ চক্ৰৰ অন্তৰ্গত চতলা গাঁও পঞ্চায়তত ব্যাপক দুৰ্নীতি সংঘটিত হৈছে । সৌৰ চাকি বিতৰণৰ নামক ব্যাপক দুৰ্নীতি সংঘটিত হোৱাৰ অভিযোগ উঠিছে (Saubhagya scheme scam at Kalgachia)। গাঁওবুঢ়া, খণ্ড সদস্য আৰু কংগ্ৰেছ দলৰ মণ্ডল সভাপতিৰ বিৰুদ্ধে উঠিছে এই অভিযোগ ।

অভিযোগ অনুসৰি গাঁওবুঢ়া ছোৰমান আলি তালুকদাৰ,খণ্ড সদস্য আকতাৰ হুছেইন আৰু দালালৰূপী কংগ্ৰেছৰ মণ্ডল সভাপতি জহুৰুল ইছলামে অসম চৰকাৰৰ সৌভাগ্য আঁচনিৰ অধীনস্থ বিনামূলীয়া সৌৰ চাকি বিতৰণত প্ৰত্যেকজন হিতাধিকাৰীৰ পৰা ২ৰ পৰা ৪ হাজাৰকৈ টকা সংগ্ৰহ কৰিছে । কেৱল সৌৰ চাকিয়ে নহয় গৰাখহনীয়াত ক্ষতিগ্ৰস্ত ৰাইজক ক্ষতিপূৰণ দিয়াৰ নামতো গাঁওবুঢ়া ধন সংগ্ৰহ কৰাৰ অভিযোগ উঠিছে ।

উল্লেখ্য যে একাংশ হিতাধিকাৰীয়ে ইতিমধ্যেই AGMৰ কাৰ্যালয়ত এখন স্মাৰক পত্ৰৰ জৰিয়তে এই সমগ্ৰ দুৰ্নীতিৰ তদন্ত দাবী কৰিছে । লগতে দুৰ্নীতি সংঘটিত কৰা গাঁওবুঢ়া, খণ্ড সদস্য আৰু মণ্ডল সভাপতিৰ বিৰুদ্ধে বিহীত ব্যৱস্থা গ্ৰহণৰ দাবী জনাইছে ।

লগতে পঢ়ক :Sensational murder at Diphu: বিড়ি নিদিয়াৰ বাবেই প্ৰাণ ললে পিটলিৰ