বৰপেটা, ১১ ছেপ্টেম্বৰ :সত্ৰনগৰী বৰপেটাৰ ৰায়তপাৰাত মহাপুৰুষ শ্ৰীমন্ত শংকৰদেৱৰ একনিষ্ঠা সেৱিকা সতী ৰাধিকা শান্তিৰ ৫৬৬ সংখ্যাক জন্মোৎসৱ পালন (566th birth anniversary of Sati Radhika) ৷ তিনিদিনীয়া কাৰ্যসূচীৰে বৰপেটা ৰায়তপাৰা নামঘৰত পালন কৰা হৈছে আই সতী ৰাধিকা শান্তিৰ জন্মজয়ন্তী । জন্মজয়ন্তী উপলক্ষে শনিবাৰে অনুষ্ঠিত সোঁৱৰণী সভাত বৰপেটা সত্ৰৰ ডেকাসত্ৰীয়া গৌতম পাঠকৰ লগতে থানেশ্বৰ মালাকাৰ, ডঃ ধ্ৰুৱ কুমাৰ পাঠক, ডঃ বাবুল দাস, দিলীপ দাস আদি কেইবাজনো বিশিষ্ট ব্যক্তিয়ে অংশগ্ৰহণ কৰে (Sati Radhika birth anniversary at Barpeta) ৷
সোঁৱৰণী সভাত অংশ লোৱা প্ৰতিগৰাকী বিশিষ্ট বক্তাই ৰাধিকা আইৰ জীৱনৰ গুণানুকীৰ্তন কৰাৰ লগতে মহীয়সী নাৰী সতী ৰাধিকা শান্তি কৈৱৰ্ত কুলৰ হৈয়ো বৰদোৱাৰ ওচৰত টেম্বুৱানী জান বন্ধা কামত নিজকে সমৰ্পিত কৰিছিল । সমাজৰ নিম্নকুল হিচাপে পৰিচিত কৈৱৰ্ত সমাজখনক কিদৰে জগতত প্ৰতিষ্ঠা কৰি যাবলৈ তেওঁ সক্ষম হৈছিল সেই সম্পৰ্কে বক্তাসকলে সভাত উল্লেখ কৰে ৷