বৰপেটাত দিন দুপৰতে গাড়ীৰ আইনা ভাঙি ধন লুটি নিলে ২ লাখ ৩০ হাজাৰ টকা

ব্যক্তি গৰাকীয়ে টকাখিনি উলিয়াই AS-01BZ-6373 নম্বৰৰ হোণ্ডা ইয়ন গাড়ীৰে আহি বৰপেটাৰোডস্থিত ৰেমণ্ড শ্ব' ৰূমৰ সন্মুখত ৰখাই কাষতে থকা ফ্ৰীজৰ দোকানত সোমায় ৷ কিছুসময় পাছত ফ্ৰীজৰ দোকানৰ পৰা উভতি গাড়ীৰ ওচৰ পোৱাত নিজৰ গাড়ীৰ গ্লাছ ভঙা প্ৰত্যক্ষ কৰি গাড়ীৰ ভিতৰত ৰাখি থোৱা টকাৰ বেগটো দুৰ্বৃত্তই লৈ যোৱা বুলি নিশ্চিত হয়

বৰপেটা, 27 মে': বৰপেটাৰোডত দিন দুপৰতে ডকাইটি ৷ সোমবাৰে দুপৰীয়া মোজাহাৰ আলী নামৰ এজন অৱসৰপ্ৰাপ্ত কৰ্মচাৰীৰ গাড়ীৰ আইনা ভাঙি লুট কৰি নিলে ২ লাখ ৩০ হাজাৰ টকা ৷ বৰপেটাৰ কামাৰগাঁৱৰ মোজাহাৰ আলী নামৰ জলসিঞ্চন বিভাগৰ অৱসৰপ্ৰাপ্ত কৰ্মচাৰীজনে বৰপেটাৰোডস্থিত ষ্টেট বেংকৰ একাউণ্টৰ পৰা মুঠ ২ লাখ ৩০ হাজাৰ টকা উলিয়াই ৷ ব্যক্তি গৰাকীয়ে টকাখিনি উলিয়াই AS-01BZ-6373 নম্বৰৰ হোণ্ডা ইয়ন গাড়ীৰে আহি বৰপেটাৰোডস্থিত ৰেমণ্ড শ্ব' ৰূমৰ সন্মুখত ৰখাই কাষতে থকা ফ্ৰীজৰ দোকানত সোমায় ৷ কিছুসময় পাছত ফ্ৰীজৰ দোকানৰ পৰা উভতি গাড়ীৰ ওচৰ পোৱাত নিজৰ গাড়ীৰ গ্লাছ ভঙা প্ৰত্যক্ষ কৰি গাড়ীৰ ভিতৰত ৰাখি থোৱা টকাৰ বেগটো দুৰ্বৃত্তই লৈ যোৱা বুলি নিশ্চিত হয় ৷ ঘটনা সন্দৰ্ভত মোজাহাৰ আলীয়ে বৰপেটাৰোড আৰক্ষী থানাত এজাহাৰ দাখিল কৰে ৷ আনহাতে, ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে যদিও বৰ্তমানলৈকে টকাখিনি উদ্ধাৰ কৰিবলৈ সক্ষম হোৱা নাই ৷