বৰপেটাৰোডত ভয়ংকৰ পথ দুৰ্ঘটনা

বৰপেটাৰোডত ভয়ংকৰ পথ দুৰ্ঘটনা ৷ থিতাতে নিহত এজন ব্যক্তি ৷ সংকটজনক অৱস্থাত স্কুটি আৰোহীক চিকিৎসালয়লৈ প্ৰেৰণ ৷

বৰপেটাৰোড,16 এপ্ৰিলঃ লক ডাউন চলি থকাৰ মাজতে আজি বৰপেটাৰোডৰ নিচুকা-খৈৰাবাৰী পথত সংঘটিত হৈছে এক ভয়ংকৰ পথ দুৰ্ঘটনা ৷ দুৰ্ঘটনাত আতোৱাৰ ৰহমান (55) নামৰ এজন লোক থিতাতে নিহত হৈছে ৷ সন্ধিয়া নিজ গৃহৰ সন্মুখৰ পথত খোজকাঢ়ি থকাৰ সময়তে বৰপেটাৰোডৰ পৰা তীব্ৰ গতিত গৈ থকা AS-15F-3574 নম্বৰৰ এখন স্কুটিৰ খুন্দাত লোকজন নিহত হয় ৷ ইপিনে স্কুটি চালক ছানোৱাৰ ৰহমানো গুৰুতৰ ভাৱে আহত হৈছে ৷ গুৰুতৰ ভাৱে আহত স্কুটি চালক গৰাকীক সংকটজনক অৱস্থাত ততাতৈয়াকৈ বৰপেটাৰোডৰ চিকিৎসালয়ত ভৰ্তি কৰোৱা হয় যদিও উন্নত চিকিৎসাৰ বাবে বৰপেটা মেডিকেল কলেজলৈ প্ৰেৰণ কৰা হয় ৷

লগতে চালকঃ কৰ'ণা বিৰোধী যুঁজত সহযোগিতা ভাৰতীয় ৰে'ল বিভাগৰ