হাউলীত চাউল ভৰ্তি ট্ৰাকৰ খুন্দাত নিহত দুই

দুৰ্ঘটনাটো সংঘটিত হোৱাৰ কাৰণ সন্দৰ্ভত আৰক্ষীয়ে অব্যাহত ৰাখিছে তদন্ত ৷

বৰপেটা, ২৪ জানুৱাৰী: বৰপেটাৰ হাউলীৰ 31 নং ৰাষ্ট্ৰীয় ঘাইপথত আজি সংঘটিত হয় এক শোকাৱহ পথ দুৰ্ঘটনা ৷ বৰপেটাৰোডৰ পৰা পাঠশালা অভিমুখী এখন চাউল ভৰ্তি ট্ৰাকৰ খুন্দাত নিহত হয় দুই মটৰ চাইকেল আৰোহীৰ ৷ নিহত লোক দুজন বৰপেটাৰ সৰভোগৰ শুকানজানি গাঁৱৰ নৰেন দাস আৰু ধনীৰাম দাস ৷

দুৰ্ঘটনা সংঘটিত কৰিয়েই ট্ৰাকৰ চালকজনে পলায়ন কৰে ৷ দুৰ্ঘটনা সংঘটিত কৰা ট্ৰাকখনৰ নম্বৰ AS-17-2345৷ আনহাতে বাইকখনৰ নম্বৰ AS-01AQ-3275 ৷ দুৰ্ঘটনা সংঘটিত হোৱাৰ খবৰ লাভ কৰাৰ লগে লগে ঘটনাস্থলীত হাউলী আৰক্ষী উপস্থিত হৈ আৰম্ভ কৰে তদন্ত ৷ বৰ্তমানলৈ জানিব পৰা হোৱা নাই দুৰ্ঘটনাটো সংঘটিত হোৱাৰ কাৰণ ৷

লগতে পঢ়কঃ শদিয়াত উগ্ৰপন্থীৰ সন্ধানত অসম আৰক্ষীৰ ব্যাপক অভিযান