জনীয়াত এহাল বৃদ্ধ দম্পতিৰ কৰুণ গাথা

পুত্ৰৰ বাবে কলগাছিয়াৰ খাৰবাল্লী চৰত এহাল বৃদ্ধ পিতৃ মাতৃৰ হাহাকাৰ ৷ উৰুখা পঁজাতেই বৃদ্ধ দম্পতিহালে অনাহাৰে থাকি দিন পাৰ কৰিব লগা হৈছে । তাৰোপৰি চৰকাৰৰ ফালৰ পৰাও কোনো সা-সুবিধা নোপোৱাৰ অভিযোগ বৃদ্ধ দম্পতি হালৰ ৷

জনীয়া, 28 এপ্ৰিলঃ বৰপেটা জিলাৰ জনীয়াত পুত্ৰৰ বাবে হাহাকাৰ বৃদ্ধ-পিতৃ মাতৃৰ ৷ অনাহাৰে দিন পাৰ কৰিব লগা পৰিস্থিতিৰ সৃষ্টি হৈছে বৃদ্ধ পিতৃ-মাতৃৰ ৷

সমগ্ৰ দেশৰ লগতে ৰাজ্যতো এতিয়া লক ডাউন ব্যৱস্থা অব্যাহত ৷ এই লক ডাউনৰ বাবে জনীয়া কলগাছিয়াৰ খাৰবাল্লী চৰত এহাল বৃদ্ধ পিতৃ মাতৃৰ হাহাকাৰ পৰিস্থিতিৰ সৃষ্টি হৈছে ৷ খাৰবাল্লী চৰৰ দুৰ্ভগীয়া ফজল হকৰ পুত্ৰ কৰ্মসূত্ৰে থাকে ছৌদি আৰৱত ৷ লক ডাউনৰ বাবে পুত্ৰই বৃদ্ধ পিতৃ-মাতৃলৈ পঠিয়াব পৰা নাই ধন ৷ ইফালে ধনৰ অভাৱৰ বাবে বৃদ্ধ পিতৃ-মাতৃয়ে খাদ্য বস্তুৰ বাবে হাহাকাৰ কৰিবলগীয়া পৰিস্থিতিৰ সৃষ্টি হৈছে ৷ বৃদ্ধ দম্পতিহালে অনাহাৰে থাকি দিন পাৰ কৰিব লগা হৈছে । তাৰোপৰি চৰকাৰৰ ফালৰ পৰাও কোনো সা-সুবিধা নোপোৱাৰ অভিযোগ বৃদ্ধ দম্পতি হালৰ ৷

তাৰোপৰি,বেকী নদীৰ গৰাখহনীয়াই ঘৰ-দুৱাৰ উচন কৰাৰ পিছতে উৰুখা পঁজাতেই দুখ-কষ্টৰ মাজতে বসবাস কৰিব লগা হৈছে বৃদ্ধ দম্পতিহালে । এনে সময়তেই কলগাছিয়া আৰক্ষী থানাৰ সহ উপ পৰিদৰ্শক আকবৰ আলীয়ে পৰিয়ালটোলৈ কিছু নগদ ধনৰ লগতে খোৱা খাদ্যবস্তু আগবঢ়াই ৷ ইতিমধ্যে আৰক্ষী বিষয়াজনে এইদৰে বহু দৰিদ্ৰ পৰিয়াললৈ চাউল,নিমখ,দাইল,মিঠাতেল আদি খাদ্য সামগ্ৰী বিতৰণ কৰি সহায়ৰ হাত আগবঢ়াইছে । আৰক্ষী বিষয়াজনৰ এনে পদক্ষেপৰ বাবে প্ৰশংসা কৰিছে ৰাইজে ৷

লগতে পঢ়ক- বিটিচিত ৰাজ্যপালৰ শাসনক আদৰণি নৱ শৰণীয়াৰ