আজমল কলেজৰ উদ্যোগত ঘৰে ঘৰে গছ পুলি বিতৰণ

কলগাছিয়া আজমল কলেজৰ উদ্যোগত ২০০ জোপা গছ পুলি বিতৰণ। এই বিতৰণত প্ৰকৃতি প্ৰেমৰ অনন্য নিদৰ্শন দাঙি ধৰিলে আজমল কলেজে।

জনীয়া, ০৬ জুলাই: জনীয়া সমষ্টিৰ কলগাছিয়াত আজমল কলেজৰ উদ্যোগত মানুহৰ ঘৰে ঘৰে গৈ বিতৰণ কৰা হয় ২০০ গছপুলি । গছ পুলি বিতৰণৰ মূল উদ্দেশ্য হ'ল গোলকীয় উষ্ণতা ৰোধ কৰা। কাৰণ দিনক দিনে বৃদ্ধি পাই আহিছে গোলকীয় উষ্ণতা । বিভিন্ন ধৰণৰ কোম্পানী, যান বাহনৰ পৰা পৰা হোৱা প্ৰদূষণ ৰোধ কৰাৰ বাবে গছ পুলি ৰুব লাগিব। সেই উদ্দেশ্যে আগত ৰাখি আজি কলগাছিয়া আজমল কলেজৰ পৰা ছাত্র-ছাত্ৰী আৰু শিক্ষক শিক্ষয়ত্ৰী সকলে শাৰী পাতি মানুহৰ ঘৰে ঘৰে গৈ গছ পুলি বিতৰণ কৰে। লগতে আজমল কলেজৰ প্ৰত্যেকজন ছাত্র-ছাত্ৰীয়ে দুটাকৈ গছ পুলি ৰোৱাৰ লগতে তেওঁলোকৰ বন্ধু-বান্ধৱী সকলকো গছপুলি ৰুবলৈ আহ্বান জনায়। গছ পুলি বিতৰণ যাত্ৰা কলেজৰ পৰা আৰম্ভ কৰি ওচৰত থকা গাওঁখনলৈ বিতৰণ কৰে।