বৰপেটা, ২৪ মে': ব্ৰহ্মপুত্ৰৰ খহনীয়াত জাহ যোৱাৰ উপক্ৰম বাঘবৰৰ ঐতিহ্যমণ্ডিত বৈঠাপুতা ঘাট সত্ৰত মঙলবাৰে উপস্থিত হয় ৰাজ্যৰ জলসম্পদ মন্ত্ৰী পীযুষ হাজৰিকা(Pijush Hazarika visits Baithaputa Ghat Satra) ৷ সম্প্ৰতি ব্ৰহ্মপুত্ৰৰ খহনীয়াৰ কৱলত পৰিছে মহাপুৰুষ শ্ৰী শ্ৰী মাধৱদেৱৰ দ্বাৰা স্থাপিত ঐতিহ্যমণ্ডিত সত্ৰখন ৷
সেয়ে ব্ৰহ্মপুত্ৰৰ খহনীয়াই সংকট নমাই অনা সত্ৰখনৰ লগতে খহনীয়াগ্ৰস্ত অঞ্চলসমূহ পৰিদৰ্শন কৰে মন্ত্ৰীগৰাকীয়ে ৷ ইপিনে সত্ৰ পৰিচালনা সমিতি আৰু সত্ৰবাসী ৰাইজৰ সৈতেও মত বিনিময় কৰে মন্ত্ৰীগৰাকীয়ে ৷ বাঘবৰৰ বৈঠাপুতা ঘাট সত্ৰখনৰ খহনীয়া পৰিদৰ্শনৰ পিচতে মন্ত্ৰীগৰাকীয়ে সংবাদমাধ্যমক জনোৱা অনুসৰি সত্ৰখনৰ সাময়িক প্ৰতিৰোধৰ বাবে বুধবাৰৰ পৰাই কাম আৰম্ভ কৰাৰ নিৰ্দেশ প্ৰদান কৰিছে মন্ত্ৰীগৰাকীয়ে ৷
বৰপেটাৰ ঐতিহ্যমণ্ডিত বৈঠাপুতা ঘাট সত্ৰত উপস্থিত মন্ত্ৰী পীযুষ হাজৰিকা ইপিনে, বৰপেটা জিলাৰ লগতে ৰাজ্যত খহনীয়াৰ স্থায়ী প্ৰতিৰোধৰ বাবে আগন্তুক এবছৰৰ ভিতৰত এচিয়ান ডেভেল'পমেন্ট বেংকৰ জৰিয়তে প্ৰায় ৩ হাজাৰ ৭ শ কোটি টকা ব্যয় সাপেক্ষে কেইবাখনো আঁচনি গ্ৰহণৰ কথা প্ৰকাশ কৰে মন্ত্ৰীগৰাকীয়ে ৷
আনহাতে অখিল গগৈয়ে নিজকে লাচিতৰ বংশধৰ বুলি আৰু পীযুষ হাজৰিকাৰ দেহত মোগলৰ তেজ থকা বুলি কৰা মন্তব্য সম্পৰ্কতো প্ৰতিক্ৰিয়া ব্যক্ত কৰে মন্ত্ৰীগৰাকীয়ে ৷ পীযুষ হাজৰিকাই অখিল গগৈক উভতি ধৰি কয় যে, "পূৰ্বতে হিন্দুসকল মোগললৈ ধৰ্মান্তৰিত হৈছিল ৷ ঠিক তেনেদৰে অখিল গগৈয়েও মোগললৈ ধৰ্মান্তৰিত হোৱা বুলি মন্তব্য পীযুষ হাজৰিকাৰ ৷ পূৰ্বতে অখিল গগৈৰ দেহত লাচিতৰ তেজ আছিল যদিও এতিয়া তেওঁৰ দেহত মোগলৰ তেজ আছে ৷"
বৰপেটাৰ ঐতিহ্যমণ্ডিত বৈঠাপুতা ঘাট সত্ৰত উপস্থিত মন্ত্ৰী পীযুষ হাজৰিকা ইপিনে, ৰাজ্যৰ কোনো স্থানতে বটদ্ৰৱা ঘটনাৰ পুনৰাবৃত্তি কৰিবলৈ দিয়া নহ'ব বুলি মন্তব্য কৰে মন্ত্ৰীগৰাকীয়ে ৷ কেৱল বটদ্ৰৱাই নহয়, জনীয়া, বাঘবৰ আনকি ধুবুৰীতো থানা আক্ৰমণ কৰিবলৈ দিয়া নহ'ব বুলি উল্লেখ কৰে মন্ত্ৰীগৰাকীয়ে ৷ যদি কোনোৱে থানা আক্ৰমণ কৰে তেন্তে দুষ্টক দমন কৰাৰ হুংকাৰ মন্ত্ৰী পীযুষ হাজৰিকাৰ ৷ ইফালে, কংগ্ৰেছে চোৰ, ডকাইত, দুস্কৃতিকাৰীৰ সপক্ষেই সদায় মাত মাতে বুলিও তীৰ্যক মন্তব্য কৰে মন্ত্ৰীগৰাকীয়ে ৷
আনহাতে, বাঘবৰৰ বৈঠাপুতা ঘাট সত্ৰৰ পৰিচালনাৰ বাবে ব্ৰহ্মপুত্ৰ নদীৰ কেইটামান ঘাট সত্ৰৰ নামত আৱন্টনৰ দাবী কৰে সত্ৰ পৰিচালনা সমিতিয়ে ৷ মূলতঃ সত্ৰখন পৰিচালনাৰ বাবে প্ৰয়োজন হোৱা ধনৰ জোৰা মাৰিবৰ বাবেই ব্ৰহ্মপুত্ৰৰ ঘাটকেইটা আৱন্টনৰ দাবী সম্পৰ্কে অৱশ্যে মন্ত্ৰীগৰাকীয়ে কোনো মন্তব্য কৰা পৰিলক্ষিত নহ'ল ৷
লগতে পঢ়ক :অস্তিত্বৰ সংকটত বৰপেটাৰ বৈঠাপুতা ঘাট সত্ৰ
