জনীয়া, 23 আগষ্ট :কলগাছিয়া ৰাজহ চক্ৰৰ অন্তৰ্গত পাহাৰতলি গোবিন্দপুৰত বেকী নদীয়ে বিধ্বংসী ৰূপ ধাৰণ কৰিছে ৷ বাঘবৰ সমষ্টি তথা কলগাছিয়া ৰাজহ চক্ৰৰ অন্তৰ্গত চতলা গাঁও পঞ্চায়তৰ পাহাৰতলি গোবিন্দপুৰ গাঁৱত বিগত দুমাহ ধৰি অব্যাহত থকা খহনীয়াৰ ফলত গৃহহীন হৈ পৰিছে শতাধিক পৰিয়াল ৷ খহনীয়াৰ কবলত মাটি-ভেটি, ঘৰ-দুৱাৰ হেৰুৱাই আশ্ৰয়হীন হৈ পৰিছে স্থানীয় ৰাইজ ।
গোবিন্দপুৰত বেকীৰ বিধ্বংসী খহনীয়া অব্যাহত
ইয়াৰ পিছতো বৰপেটা জিলা প্ৰশাসন তথা জনপ্ৰতিনিধিয়ে বৰ্তমানলৈ খবৰ ল’বলৈ আহৰি পোৱা নাই বুলি অভিযোগ কৰিছে স্থানীয় লোকে । যাৰ বাবে দেওবাৰে খহনীয়াগ্ৰস্ত ৰাইজে বেকীৰ পাৰ উত্তাল প্ৰতিবাদ সাব্যস্ত কৰে । প্ৰতিবাদকাৰীসকলে বৰপেটাৰ সাংসদ আব্দুল খালেক, বাঘবৰৰ বিধায়ক শ্বেৰমান আলী আহমেদ আৰু জলসম্পদ বিভাগৰ মন্ত্ৰী পীযুষ হাজৰিকাৰ বিৰুদ্ধে বিভিন্ন শ্ল’গানেৰে প্ৰতিবাদ সাব্যস্ত কৰে ৷