জনিয়া,28 জানুৱাৰী : বৰপেটা জিলাৰ বাঘবৰ সমষ্টি তথা কলগাছিয়া ৰাজহ চক্ৰৰ অন্তৰ্গত জয়পুৰবাসীয়ে দীৰ্ঘ সময় ধৰি প্ৰাণৰ ভয়ৰ মাজেৰে টুলুঙা নাও লৈ নদী পাৰাপাৰ হ'ব লগা হৈছে (Poor connectivity making people suffer in Baghbar) । বেঁকী নৈৰ বিধ্বংসী গৰাখহনীয়াৰ (Erosion caused by Beki river) ফলত প্ৰায় শতাধিক লোকৰ ঘৰ-দুৱাৰ জাহ যোৱাৰ লগতে শিক্ষানুষ্ঠান নবনুৰ হাই মাদ্ৰাছাখনো বেকী নৈৰ বুকুত জাহ গৈছে । বেকী নৈৰ এনে খহনীয়াৰ ফলত সৰ্বশ্ৰান্ত হৈ পৰিছে জয়পুৰ পাথাৰ আৰু জয়পুৰ মাজৰ গাঁওবাসীয়ে ।
উল্লেখযোগ্য যে, দীৰ্ঘদিন ধৰি ৰাইজে এখন পকী দলঙৰ দাবী জনাই আহিছে স্থানীয় বিধায়কক (People demanding bridge in Baghbar) । অৱশ্যে ,আশ্বাস প্ৰদান কৰিছে বিধায়ক শ্বেৰমান আলী আহমেদে । অতি দুখ আৰু পৰিতাপৰ বিষয় যে, যদি কোনো ৰোগীক চিকিৎসাৰ বাবে চিকিৎসালয়লৈ নিব লগা হয়, তেন্তে বাঁহৰ চাং বান্ধি কান্ধত তুলি টুলুঙা নাৱেৰে পাৰ কৰি চান্দমামা আদৰ্শ চিকিৎসালয়, কলগাছিয়া বৰপেটা অসামৰিক চিকিৎসালয় নাইবা ফকৰুদ্দিন আলী আহমেদ চিকিৎসা মহাবিদ্যালয়লৈ চিকিৎসাৰ বাবে লৈ যাব লগা হয় ৷