পাঠশালা, 9 ছেপ্তেম্বৰ : আহোম ৰাজত্বকালৰ সাক্ষ্য বহন কৰা বজালীৰ এটা ঐতিহাসিক মন্দিৰ ৷ বৃহত্তৰ বজালী অঞ্চলৰ ভালুকীত থকা এইটো মন্দিৰ হৈছে প্ৰাচীন কালী মন্দিৰ ৷ 17শ শতিকাতে আহোম বৰৰাণী ফুলেশ্বৰীয়ে স্থাপন কৰিছিল এইটো প্ৰাচীন কালী মন্দিৰ ৷ বৰ্তমান সময়ত ভগ্নাৱশেষলৈ পৰিনত হোৱা মন্দিৰটোৰ বিষয়ে বজালী প্ৰেছ গীল্ডৰ সাংবাদিকসকলে বিস্তাৰিতভাৱে বাতৰি পৰিৱেশন কৰিছল ৷
লগতে পঢ়ক :প্ৰকৃত নিয়ন্ত্ৰণৰেখাত চীনা সৈন্যৰ কুচকাৱাজ, ৰিজাং লাত চীনা সৈন্যৰ ঘাটি স্থাপনৰ চেষ্টা
সংবাদ মাধ্যমত এইটো পৌৰানিক মন্দিৰৰ বিষয়ে জ্ঞাত হৈ উক্ত স্থানত উপস্থিত হয় বৰপেটা জিলাৰ জিলা উপায়ুক্ত মুনীন্দ্ৰ নাথ শৰ্মা ৷ জিলা উপায়ুক্তগৰাকীয়ে উক্ত মন্দিৰটো প্ৰত্নতাত্বিক বিভাগৰ দ্বাৰা খনন চলোৱাৰ লগতে চৰকাৰী খৰচত ইয়াৰ পুনৰ নিৰ্মাণ কৰা হ'ব বুলি জানিবলৈ দিয়ে ৷
আনহাতে ভালুকীৰ আহোমদিনীয়া এই পুৰণি মন্দিৰটো সংবাদ মাধ্যমৰ জৰিয়তে পোহৰলৈ আনি সকলোৰে দৃষ্টি আকৰ্ষণ কৰা বজালী জিলা প্ৰেছ গীল্ডৰ সাংবাদিকসকলক ৰাইজে ধন্যবাদ জ্ঞাপন কৰে । স্বাভাৱিকতে এতিয়া আহোমদিনীয়া মন্দিৰটো প্ৰাণ পাই উঠিব বুলি আশা কৰি উৎফুল্লিত হৈ পৰিছে স্থানীয় ৰাইজ l
