জনীয়া, 11 অক্টোবৰ :‘পাকিস্তানৰ প্ৰতি ইমান মৰম আছে, তেন্তে তেখেত পাকিস্তানলৈ গুচি যাওঁক ৷ আমি ভাৰতীয়, সেয়ে ইয়াতে আছো আমি’- এই মন্তব্য জনীয়াৰ বিধায়ক ড৹ হাফিজ ৰফিকুল ইছলামৰ ৷ দেওবাৰে ৰূপসী উন্নয়ন খণ্ডৰ অধীনষ্ঠ ৫৬ নং বনগুগী গাঁও পঞ্চায়তৰ নৱনিৰ্মিত ভৱনটো উদ্বোধন কৰিবলৈ গৈ মন্ত্ৰী ৰণজিৎ দাসক উভতি ধৰে AIUDF ৰ বিধায়কগৰাকীয়ে ৷
পঞ্চায়ত ভৱন উদ্বোধন
কিছুদিন পূৰ্বে মন্ত্ৰী ৰণজিৎ দাসে AIUDF সন্দৰ্ভত কৰিছিল বিতৰ্কিত মন্তব্য ৷ যাৰ প্ৰত্যুত্তৰস্বৰূপে এই মন্তব্য প্ৰকাশ কৰিছে AIUDF ৰ বিধায়ক ইছলামে ৷ আনকি মুখ্যমন্ত্ৰী ড৹ হিমন্ত বিশ্ব শৰ্মাই মিঞা ভোট নালাগে বুলি কৰা মন্তব্যৰো তীব্ৰ সমালোচনা কৰে বিধায়কগৰাকীয়ে ৷