কলগাছিয়া, 10 নৱেম্বৰ :বৰপেটা নিৰ্মাণ উপ-সংমণ্ডলৰ অন্তৰ্গত কলগাছিয়াৰ শওপুৰৰ আদৰ্শ আৱাসিক বিদ্যালয় পৰিদৰ্শন কৰে পাব্লিক একাউণ্ট কমিটি (PAC)ৰ এটা দলে ৷ 2018 বৰ্ষত MSDP আঁচনিৰ অন্তৰ্গত 30 কোটি 42 লাখ 69 হাজাৰ টকা ব্যয় সাপেক্ষে নিৰ্মাণ কৰা আদৰ্শ আৱাসিক বিদ্যালয়খনত 9 নৱেম্বৰত চৰকাৰৰ পাব্লিক একাউন্ট কমিটি (PAC)ৰ দলটো উপস্থিত হয় ৷
পাব্লিক একাউন্ট কমিটিৰ অধ্যক্ষ ৱাজেদ আলী চৌধুৰীৰ নেতৃত্বত সদস্য ৰমেন্দ্ৰ নাৰায়ণ কলিতা, বসন্তকুমাৰ দাস, হাফিজ বছিৰ আহমেদ কাছিমি, ভবেন্দ্ৰ নাথ ভড়ালী, কৰিমুদ্দিন বৰভূঞা, কমলাক্ষ দে’ পুৰকাস্থ আৰু মানৱ ডেকাকে ধৰি ভালে সংখ্যক প্ৰতিনিধিয়ে শওপুৰ আৱাসিক আদৰ্শ বিদ্যালয়খন পৰ্য্যবেক্ষণ কৰি কামৰ বুজ লয় ৷