পাঁচ বজাৰ শীৰ্ষ দহটা বাতৰি...

পাঁচ বজাৰ শীৰ্ষ দহটা বাতৰি...

1.তৃতীয়বাৰলৈ কানাডাৰ প্ৰধানমন্ত্ৰীৰ আসনত Justin Trudeau

সোমবাৰৰ সংসদীয় নিৰ্বাচনত কানাডিয়ানসকলে প্ৰধানমন্ত্ৰী জাষ্টিন ট্ৰুডোৰ লিবাৰেল পাৰ্টিক পুনৰ বিজয় প্ৰদান কৰে ৷ কিন্তু একাংশ সংবাদ মাধ্যমত প্ৰচাৰ হোৱাৰ দৰে দলটোৱে নিৰংকুশ সংখ্যা গৰিষ্ঠ আসন লাভ কৰাৰ পৰা বঞ্চিত হয় ৷ দলটোৱে আসন লাভৰ সকলো ৰেকৰ্ড ভংগ কৰাৰ পথত আছিল ।

2.নলবাৰীত তথাকথিত সাংবাদিককে ধৰি আটক দহটাকৈ ভূ-মাফিয়া

ৰাজ্যৰ ভিন্ন প্ৰান্তৰ লেখীয়াকৈ নলবাৰীতো চলিল ভূ-মাফিয়াৰ বিৰুদ্ধে অভিযান ৷ সোমবাৰে নিশা জিলাখনৰ ভিন্ন প্ৰান্তৰ পৰা আৰক্ষীয়ে কৰায়ত্ত কৰিলে এই অবৈধ কাৰ্যত জড়িত এজনৰ পিছত সিজন লোকক ৷ আৰক্ষীয়ে প্ৰায় 100 জনীয়া ভূ-মাফিয়াৰ তালিকা প্ৰস্তুত কৰি আৰম্ভ কৰে অভিযানটো ৷ এশজনীয়া তালিকাখনৰ প্ৰায় দহগৰাকী ভিন্ন পেছাৰ ব্যক্তি ধৰা পৰে আৰক্ষীৰ হাতত ৷

3.কোনো কাৰ্যালয়তে এতিয়াৰে পৰা নাথাকিব দালাল : মুখ্যমন্ত্ৰী

অসমত একে নিশাই ৪৫৩ জন মাটিৰ দালালক গ্ৰেপ্তাৰ । বৰ্তমান ৭০০ জনৰ মাটিৰ দালালৰ তালিকা আছে অসম আৰক্ষীৰ হাতত । বাকী থকা দালালকো মঙলবাৰৰ ভিতৰত গ্ৰেপ্তাৰ কৰা সম্ভাৱনা আছে ৷ এই কথা সদৰী কৰিছে অসমৰ মুখ্যমন্ত্ৰী ড৹ হিমন্ত বিশ্ব শৰ্মাই ৷

4.ৰাজ্যৰ বিভিন্ন প্ৰান্তৰ দৰে শোণিতপুৰ জিলাতো ১২ টা মাটিৰ দালাল আটক

সোমবাৰে নিশা অসম আৰক্ষীয়ে ৰাজ্যৰ বিভিন্ন প্ৰান্তত অভিযান চলাই মুঠ 443 টা দালালক গ্ৰেপ্তাৰ কৰিবলৈ সক্ষম হৈছিল ৷ ৰাজ্যৰ বিভিন্ন প্ৰান্তৰ দৰে শোণিতপুৰ জিলাটো মাটিৰ দালালৰ বিৰুদ্ধে অভিযান চলাই 12 গৰাকী লোকক আৰক্ষীয়ে সোধ-পোচৰ বাবে তেজপুৰ আৰক্ষীয়ে আটক কৰে ৷ আৰক্ষীয়ে আটক কৰা কেইগৰাকী হৈছে ক্ৰমে দ্বিপেন ফুকন, মনোজ বৰ্মন , ৰাজা বাবু পটংগীয়া, অপু বৰুৱা , হেমেন বৰা, শিৱানন্দ গগৈ, গুণকান্ত পটংগীয়া ৷

5.যোৰহাটত আটক 15 টা মাটিৰ দালাল

মাটিৰ দালালৰ বিৰুদ্ধে তৎপৰ হৈছে যোৰহাট আৰক্ষী ৷ দালালি কৰাৰ অভিযোগত 15 টা দালালক আটক যোৰহাট আৰক্ষীৰ ৷ যোৰহাট আৰক্ষীৰ হাতত পৰিছে প্ৰায় ৬০ জনীয়া মাটি দালালৰ লিষ্ট ৷ দালালিৰ বিৰুদ্ধে ২০৩০/২১ নম্বৰত গোচৰ ৰুজু কৰিছে যোৰহাট আৰক্ষীয়ে ৷ ৪২০/৪৬৯/৪৭৭/৪০৬/৩৪ IPC ধাৰাৰ অধীনত ৰুজু কৰা হৈছে এই গোচৰ ৷

6.ৰাজ্যসভাৰ নিৰ্বাচনৰ বাবে সৰ্বানন্দ সোণোৱালৰ মনোনয়ন দাখিল

মনোনয়ন দাখিলৰ সময়ত প্ৰাক্তন মুখ্যমন্ত্ৰীগৰাকীক সংগ দিয়ে মুখ্যমন্ত্ৰী ড৹ হিমন্ত বিশ্ব শৰ্মা আৰু ৰাজ্যিক বিজেপিৰ সভাপতি ভৱেশ কলিতাই । মিত্ৰদল অগপৰ সভাপতি তথা মন্ত্ৰী অতুল বৰা আৰু ইউ পি পি এলৰ সভাপতি প্ৰমোদ বড়োও উপস্থিত আছিল ।

7.কামৰূপ জিলা আৰক্ষীৰ জালত মাটিৰ দালাল

ড্ৰাগছৰ পিছত এইবাৰ মাটিৰ দালালৰ বিৰুদ্ধে অসম আৰক্ষীয়ে আৰম্ভ কৰিছে অভিযান । মুখ্যমন্ত্ৰী ড৹ হিমন্ত বিশ্ব শৰ্মাই ৰাজহ চক্ৰ বিষয়াৰ কাৰ্যালয়ত দালালৰাজ বন্ধ হোৱাৰ কথা ঘোষণা কৰাৰ পাছতেই অসম আৰক্ষীয়ে তীব্ৰতৰ কৰি তুলিছে এই অভিযান । সোমবাৰে নিশা মাটিৰ দালালৰ বিৰুদ্ধে কামৰূপ জিলাত আৰক্ষীয়ে জোৰদাৰ অভিযান চলায় । কামৰূপ জিলাৰ অতিৰিক্ত আৰক্ষী অধীক্ষক আচিফ আহমেদৰ নেতৃত্বত এটা দলে অভিযান চলাই শুৱালকুছি, মদনপুৰ, জয়গুৰু, মান্দাকাটাৰ পৰা কেইবাটাও দালালক সোধপোছৰ বাবে আটক কৰে ।

8.বৰাগাঁৱত ডাম্পিং গ্ৰাউণ্ড স্থাপনৰে দীপৰ বিলক প্ৰদূষিত কৰাৰ বিৰুদ্ধে প্ৰতিবাদ

মহানগৰীত ডাম্পিং গ্ৰাউণ্ড স্থাপন সাম্প্ৰতিক সময়ৰ এক জটিল সমস্যাৰূপে ঠিয় হৈছে ৷ বিগত কিছুদিনৰ পৰিস্থিতি লক্ষ্য কৰিলে মহানগৰীৰ সমীপৰ চন্দ্ৰপুৰত ডাম্পিং গ্ৰাউণ্ড স্থাপনক লৈ প্ৰতিবাদ অব্যাহত থকা দেখা যায় ৷ ইয়াৰ পিছতে আকৌ প্ৰতিবাদ আৰম্ভ হৈছে বৰগাঁৱৰ ডাম্পিং গ্ৰাউণ্ড স্থাপনক কেন্দ্ৰ কৰি ৷ শেহতীয়াকৈ বৰাগাঁৱৰ নতুন ভূমিত ডাম্পিং গ্ৰাউণ্ড স্থাপন কৰাত ভাবুকি নামি আহিছে দীপৰ বিলৰ প্ৰতি ৷

9.বৰপেটাত আটক ৪২ জন ভূ-মাফিয়াক

দালাল চক্ৰৰ বিৰুদ্ধে বৰপেটাত আৰক্ষীৰ অভিযান ৷ বৰপেটা আৰক্ষীয়ে সোমবাৰে নিশাৰ পৰা এতিয়ালৈকে মুঠ 42 জন ভূ-মাফিয়াক কাৰায়ত্ব কৰিবলৈ সক্ষম হৈছে ৷

10.পূজাত সাংস্কৃতিক অনুষ্ঠান বাতিল কৰাত বিপাঙত যাত্ৰাদল

দুৰ্গাপূজা সমাগত ৷ কিন্তু এইবাৰ দুৰ্গাপূজাত বন্ধ কৰা হৈছে সাংস্কৃতিক অনুষ্ঠান । যাৰ ফলশ্ৰুতিত এতিয়া বিপাঙত পৰিছে ৰাজ্যৰ পঞ্চল্লিশতা যাত্ৰা দলৰ প্ৰযোজক তথা শিল্পী আৰু কলা-কুশলী ।