সৰ্থেবাৰীত বন্যাৰ্তলৈ সহায়ৰ হাত নিউ হোপ ফাউণ্ডেশ্যনৰ

নিউ হোপ ফাউণ্ডেছনৰ  এই পদক্ষেপত সৰ্থেবাৰী অঞ্চলৰ স্বেচ্ছাসেৱী সংগঠন শিপা- The Root of Humanity ৰ সদস্য সকলেও সহযোগীতা আগবঢ়ায় ।

বৰপেটা, ২৬ জুলাইঃ এফালে মহামাৰী আনফালে বান ৷ ফলশ্ৰুতিত সৰ্বস্বান্ত হৈ পৰিছে ৰাজ্যবাসী ৷ দেওবাৰে বানৰ কবলত পৰা দুৰ্দশাগ্ৰস্ত ৰাইজক সহায়ৰ বাবে আগবাঢ়ি আহিল বজালীৰ স্বেচ্ছাসেৱী সংগঠন নিউ হোপ ফাউণ্ডেছনে ৷ সৰ্থেবাৰী অঞ্চলৰ একাংশ পৰিয়ালৰ মাজত বিভিন্ন খাদ্য সামগ্ৰীৰ লগতে ফেনাইল,ব্লীচিং পাউদাৰ,মাস্ক,চেনিটাইজাৰ,চেনীটেৰী পেড আদি বিতৰণ কৰে নিউ হোপ ফাউণ্ডেছনৰ সদস্যসকলে ৷

লগতে পঢ়কঃবিজেপিৰ নেতাৰ কুকীৰ্তি : মহিলালৈ ছ'চিয়েল মিডিয়াৰ জৰিয়তে অশ্লীল প্ৰস্তাৱ

কেবাটাও দুখীয়া পৰিয়ালৰ লগতে বহু কেইটা পৰিয়ালৰ মাজত সামগ্ৰী বিতৰণ কৰে সংগঠনটোৱে ৷ আনহাতে, নিউ হোপ ফাউণ্ডেছনৰ এই পদক্ষেপত সৰ্থেবাৰী অঞ্চলৰ স্বেচ্ছাসেৱী সংগঠন শিপা-The Root of Humanityৰ সদস্যসকলেও সহযোগিতা আগবঢ়ায় ।