বৰপেটা,২৬ মাৰ্চ:অসম বিধানসভা নিৰ্বাচনৰ প্ৰাকক্ষণত মুছলিম ছাত্ৰ সন্থাৰ বিশেষ ঘোষণা । 'কা' সমৰ্থনকাৰী ৰাজনৈতিক দলক এইবাৰ বৰ্জন কৰিবলৈ ৰাইজক আহ্বান মুছলিম ছাত্ৰ সন্থাৰ কেন্দ্ৰীয় সভাপতি জালাল উদ্দিনৰ ।
এই নিৰ্বাচন 'কা' সমৰ্থনকাৰী দলক প্ৰতিহত কৰাৰ বাবে শেষ ৰণ বুলি দাবী কৰে সংগঠনটোৱে । বিজেপি আৰু 'কা' সমৰ্থনকাৰী দলক প্ৰতিহত কৰিব পাৰিলে অসমীয়াৰ অস্তিত্ব থাকিব বুলিও উল্লেখ কৰে সংগঠনৰ নেতাসকলে ।
আনহাতে, কংগ্ৰেছ-এআইইউডিএফ মহাজোঁটকলৈ তীব্ৰ প্ৰতিক্ৰিয়া সংগঠনটোৰ । অসমৰ কেইবাটাও সমষ্টিত দুয়োটা দলে বন্ধুত্বমূলক প্ৰতিদ্বন্দিতা কৰাৰ বাবে এআইইউডিএফ প্ৰধান বদৰুদ্দিন আজমলক 'বেপাৰী' আখ্যা মুছলিম ছাত্ৰ সন্থাৰ ।
সেয়ে এই দলকো ৰাইজে সঠিক উত্তৰ দিব লাগে বুলি আহ্বান জনায় । নিৰ্বাচনত কোনো দলক প্ৰত্যক্ষভাৱে সমৰ্থন নকৰিলেও 'কা' বিৰোধী মঞ্চৰ প্ৰতি আন্তৰিকতা থকাৰ কথা উল্লেখ কৰে মুছলিম ছাত্ৰ সন্থাই ।
TAGGED:
muslim student union