শিক্ষা মন্ত্ৰীৰ বিৰুদ্ধে ক্ষোভ বিধায়ক শ্বেৰমান আলীৰ
বৰপেটা, 10 জানুৱাৰী: "এইয়া অতি লজ্জাজনক ৷ এনেকুৱা ধৰণৰ মানুহে পদৰ পৰা অব্যাহতি ল’ব লাগে ৷ যদি ৰাইজৰ উপকাৰ কৰিব নোৱাৰে তেন্তে অব্যাহতি ল’ব লাগে ৷" এই মন্তব্য বাঘবৰ সমষ্টিৰ বিধায়ক শ্বেৰমান আলীৰ ৷ বৰপেটাত শিক্ষক অবিহনে আৰু এজনীয়া শিক্ষকৰে চলি থকা বিদ্যালয়ক লৈ শিক্ষা বিভাগ তথা শিক্ষা মন্ত্ৰীৰ বিৰুদ্ধে ক্ষোভ উজাৰি এই মন্তব্য কৰে বিধায়ক শ্বেৰমান আলী আহমেদে ৷
বিধায়কগৰাকীয়ে ক্ষোভ উজাৰি কয় যে, চৰকাৰ তথা প্ৰশাসন জনসাধাৰণৰ সেৱক, ৰজা নহয় ৷ কিন্তু বৰপেটাৰ প্ৰশাসনে নিজকে ৰজা বুলি ভাবে ৷ নিজকে ৰজা বা একনায়কত্ববাদী বুলি নাভাবি ৰাইজৰ সেৱক হ’বলৈ চেষ্টা কৰাৰ দাবী বিধায়ক শ্বেৰমানৰ ৷ তেওঁ পুনৰ কয় যে, 6 খনকৈ বিদ্যালয়ত শিক্ষক নাই, কিন্তু প্ৰশাসনে কি কৰি আছে ৷ ক্ষমতাত থকা হ’লে প্ৰশাসনৰ লোকক জেললৈ প্ৰেৰণ কৰিলহেতেন বুলিও মন্তব্য কৰে শ্বেৰমান আলী আহমেদে ৷