বৰপেটা, ৩০ জুন: উচ্চতৰ মাধ্যমিক পৰীক্ষাত প্ৰথম স্থান লাভ কৰা সাধনা দেৱীৰ উত্তৰ বহীৰ বিষয়ে পৰীক্ষকে কৰা মন্তব্যক লৈ বিতৰ্ক অব্যাহত থকাৰ মাজতে বিষয়তো সন্দৰ্ভত প্ৰতিক্ৰিয়া ব্যক্ত কৰিছে শিক্ষা মন্ত্ৰী ডাঃ ৰণোজ পেগুৱে (Ranoj Pegu reacts on Sadhna Devi's answer sheet controversy) ৷ বৃহস্পতিবাৰে বৰপেটাত উপস্থিত হৈ গোপনীয়তা ভংগ কৰা সকলৰ বিৰুদ্ধে ব্যৱস্থা গ্ৰহণ কৰা হ’ব বুলি মন্তব্য কৰে শিক্ষামন্ত্ৰীগৰাকীয়ে ৷
গোপনীয়তা ভংগ কৰা সকলৰ বিৰুদ্ধে লোৱা হ’ব ব্যৱস্থা: শিক্ষামন্ত্ৰী
উল্লেখ্য যে, বিগত 27 জুনত ঘোষিত উচ্চতৰ মাধ্যমিক চূড়ান্ত বৰ্ষৰ পৰীক্ষাৰ ফলাফলত(HS result 2022) নলবাৰীৰ বৰমুৰিকোনাৰ সাধনা দেৱীয়ে বাইহাটা চাৰিআলিৰ ৰামানুজন একাডেমীৰ পৰা কলা শাখাত শীৰ্ষ স্থান দখল কৰিবলৈ সক্ষম হৈছিল (Top rank in Arts in HS result 2022) ৷ এই পৰীক্ষাত সাধনাই সৰ্বমুঠ ৪৮৭ নম্বৰ লাভ কৰিছিল ৷