বৰপেটাৰোড, 11 ফেব্ৰুৱাৰী : ৰাজ্যিক বিজেপিৰ সভাপতি ৰঞ্জিত কুমাৰ দাসৰ গৃহ সমষ্টি সৰভোগত 21ৰ ৰণডংকা বজালে মন্ত্ৰী হিমন্ত বিশ্ব শৰ্মাই ৷ সমষ্টিটোত ড° হিমন্ত বিশ্ব শৰ্মা উপস্থিত হৈয়ে 170 কোটি টকাৰে কেইবাটাও পথৰ পকীকৰণকে ধৰি মুঠ 21 টা উন্নয়নমূলক কামৰ শুভাৰম্ভণি কৰে ৷
সৰভোগত 170 কোটি টকাৰ কামৰ শুভাৰম্ভণিৰে 21ৰ ৰণডংকা বজালে হিমন্তই
বৃহস্পতিবাৰে বৰপেটাৰোডত উপস্থিত হোৱা পিচতে মন্ত্ৰী গৰাকীয়ে এক বিশাল বাইক ৰেলীত অংশগ্ৰহণ কৰে ৷ উক্ত ৰেলীটো বৰপেটাৰোডৰ শিমলাগুৰীৰ ৩১ নম্বৰ ৰাষ্ট্ৰীয় ঘাইপথেৰে আহি কলহভাঙ্গা হৈ বৰপেটাৰোড চহৰৰ মাজেৰে বাবুপাৰাৰ মাজেৰে কাটাঝাৰৰ পৰা বৰপেটাৰ দৌল গোবিন্দ মন্দিৰত অন্ত পৰে ৷ এই ৰেলীত অংশগ্ৰহণ কৰাৰ পিচতে মন্ত্ৰীগৰাকীয়ে বৰপেটাৰ দৌল গোবিন্দ মন্দিৰত অনুষ্ঠিত এক ৰাজহুৱা সভাত অংশগ্ৰহণ কৰে ৷