প্ৰধানমন্ত্ৰীৰ আহ্বানক সঁহাৰি জনাবলৈ অনুৰোধ মন্ত্ৰী চন্দ্ৰমোহন পাটোৱাৰীৰ

প্ৰধানমন্ত্ৰী মোডীৰ আহ্বান পালন কৰি দেওবাৰে নিশা ৯ বজাত সকলো অসমবাসীয়ে ৯ মিনিটৰ বাবে ঘৰৰ লাইট নুমুৱাই বন্তি, মম আদি প্ৰজ্বলন কৰিবলৈ ৰাজ্যবাসীক অনুৰোধ মন্ত্ৰী চন্দ্ৰমোহন পাটোৱাৰীৰ ৷

বৰপেটা ৫ এপ্ৰিলঃবৰপেটাত চন্দ্ৰমোহন পাটোৱাৰীৰ অসমবাসীলৈ আহ্বান ৷ প্ৰধানমন্ত্ৰী নৰেন্দ্ৰ মোডীয়ে দেওবাৰে নিশা ৯ বজাত সকলো দেশবাসীকে ৯ মিনিটৰ বাবে ঘৰৰ লাইট নুমুৱাই বন্তি, মম, টৰ্চ বা ম'বাইলৰ ফ্লাছ জ্বলাবলৈ দেশবাসীক অনুৰোধ জনাইছিল ৷ প্ৰধানমন্ত্ৰীৰ আহ্বান পালন কৰি দেওবাৰে নিশা ৯বজাত সকলো অসমবাসীয়ে ৯ মিনিটৰ বাবে ঘৰৰ লাইট নুমুৱাই বন্তি, মম আদি প্ৰজ্বলন কৰিবলৈ আহ্বান জনালে মন্ত্ৰী চন্দ্ৰমোহন পাটোৱাৰীয়ে ৷

কৰ'ণা ভাইৰাছৰ বিৰুদ্ধে অব্যাহত থকা যুঁজখনত কৰ'ণা সংকটৰ অন্ত পেলাই দেশক উজ্বলতাৰ দিশে ধাৱমান হোৱাৰ প্ৰতীকি কাৰ্যসূচী হিচাপে নৰেন্দ্ৰ মোডীয়ে গ্ৰহন কৰিছে এই বিশেষ পদক্ষেপ ৷ প্ৰধানমন্ত্ৰী মোডীৰ এই আহ্বান পালন কৰি ৰাজ্যবাসীক ঘৰৰ বাহিৰত বন্তি, মম আদি জ্বলাবলৈ অনুৰোধ মন্ত্ৰী চন্দ্ৰমোহন পাটোৱাৰীৰ ৷ ইফালে বন্তি জ্বলোৱাৰ সময়ত কোনো কাৰণতে মানুহক ঘৰৰ চৌহদৰ পৰা বাহিৰ ওলাই নাহিবলৈ আহ্বান জনালে মন্ত্ৰীগৰাকীয়ে ৷

লগতে পঢ়কঃকৰ'ণা ভাইৰাছঃ গীতেৰে সজাগতা সৃষ্টিৰ বিনম্ৰ প্ৰয়াস ইটিভি ভাৰতৰ