কলগাছিয়াৰ চি এছ পিত লক ডাউন ভংগ

কলগাছিয়াৰ বিভিন্ন চি এছ পিত লক ডাউন ভংগ । চৰকাৰে মহিলাসকলৰ একাউণ্টত জমা কৰা 500 টকা ঘূৰাই ল’বলৈ এই ভিৰ কৰিছে একাংশ মহিলাই। বিমোৰত পৰিছে চি এছ পিৰ স্বত্বাধিকাৰ।

কলগাছিয়া, 17 এপ্ৰিল : লক ডাউনৰ সময়ছোৱাত দৰিদ্ৰ পৰিয়ালক সহায় আগবঢ়োৱাৰ স্বাৰ্থত চৰকাৰে প্ৰতিগৰাকী মহিলাৰ একাউণ্টত 500 টকাকৈ জমা কৰিছে । কিন্তু এই ধন জমা হোৱাৰ পাছতেই একাংশ মানুহে প্ৰচাৰ চলায় যে,অতি শীঘ্ৰেই এই ধন উঠাই নল’লে একাউণ্টৰ পৰা চৰকাৰে টকা ঘুৰাই ল'ব ।

উক্ত প্ৰচাৰৰ ভিত্তিত শুকুৰবাৰে কলগাছিয়াৰ গঞা মহিলাসকলে চি এছ পি বোৰত ধন ঘুৰাই ল’বলৈ হেতা-ওপৰা লগোৱা পৰিলক্ষিত হৈছে। অৱশ্যে এই ক্ষেত্ৰত আৰক্ষীয়ে লক ডাউন ভংগ নহ’বৰ বাবে যথেষ্ঠ যোগাত্মক ভূমিকা গ্ৰহণ কৰা দেখা গৈছে ।

লগতে পঢ়ক : ভাৰত-বাংলা সীমান্তত 6 খন গাঁৱৰ ৰাইজৰ হাহাকাৰ পৰিস্থিতি