দাদৰ এক্সপ্ৰেছৰ পৰা জব্দ বৃহৎ পৰিমাণৰ বিলাতী সুৰা জব্দ

নামনিমুৱা দাদৰ এক্সপ্ৰেছৰ পৰা দেওবাৰে নিশা বৰপেটাৰোড ৰে'লৱে সুৰক্ষা বাহিনীৰ এটা অভিযানকাৰী দলে বৃহৎ পৰিমাণৰ বিলাতী সুৰা জব্দ কৰে ৷

বৰপেটাৰোড, 14 ছেপ্তেম্বৰ:দেওবাৰে নিশা ৰে'লৱে সুৰক্ষা বাহিনীৰ এটা অভিযানকাৰী দলে নামনিমুৱা দাদৰ এক্সপ্ৰেছৰ পৰা বৃহৎ পৰিমাণৰ বিলাতী সুৰা জব্দ কৰে ৷ ফটা-ছিঙা কাপোৰৰ মাজত বস্তাৰ ভিতৰত ভৰাই ৰে'লৰ শৌচাগাৰত ৰখা অৱস্থাত অভিযানকাৰী দলটোৱে সুৰাখিনি জব্দ কৰে ৷ ৰে'লখন বৰপেটাৰোড ৰে'লৱে ষ্টেচন আহি পোৱাৰ পাচতে বৰপেটাৰোড ৰে'লৱে সুৰক্ষা বাহিনীৰ অভিযানকাৰী দলটোৱে তালাচী চলাই সুৰাসমূহ জব্দ কৰে যদিও, সেইসমূহ কঢ়িয়াই অনা ব্যক্তিকেইগৰাকীক আটক কৰিবলৈ সক্ষম নহ'ল ৷ জব্দকৃত সুৰা সমূহ সোমবাৰে বৰপেটাৰোড আবকাৰী বিভাগক চমজাই দিয়ে অভিযানকাৰী দলটোৱে ৷

বৰপেটাৰোডত বৃহৎ পৰিমাণৰ বিলাতী সুৰা জব্দ

লগতে পঢ়ক:এতিয়াৰে পৰা ড্ৰাগছ ব্যৱসায়ীয়ে সহজতে নাপাব জামিন