নলবাৰী আৰু কলগাছিয়াত কৃত্ৰিম বানত ব্যাহত জনজীৱন

কলগাছিয়া আৰু নলবাৰীত সৃষ্টি হৈছে কৃত্ৰিম বান । বানৰ বাবে ব্যাহত হৈ পৰে অঞ্চলকেইটাৰ যাতায়ত ব্যৱস্থা ।

কলগাছিয়া,২৯জুন : কৃত্ৰিম বানৰ কৱলত ৰাজ্যৰ বিভিন্ন জিলা । দুদিন ধৰি নেৰা-নেপেৰা বৰষুণ দি থকাৰ ফলত পানীৰে উপচি পৰিছে ৰাজ্যৰ বিভিন্ন প্ৰান্ত । কলগাছিয়া সাপ্তাহিক বজাৰতো সৃষ্টি হৈছে কৃত্ৰিম বানৰ । বানৰ ফলত জনীয়া সমষ্টিৰ প্ৰাণকেন্দ্ৰ কলগাছিয়াৰ বজাৰত হয় একাঠু পানী । একাঠু পানীত থিয় হৈ বজাৰত সামগ্ৰী বিক্ৰী কৰে ব্যাৱসায়ীসকলে । কৃত্ৰিম বানৰ ফলত গ্ৰাহক আৰু ব্যৱসায়ীৰ মাজত সৃষ্টি হয় হাহাকাৰ পৰিস্থিতিৰ । ব্যাহত হৈ পৰে অঞ্চলটোৰ যাতায়ত ব্যৱস্থাও । উল্লেখ্য যে, কলগাছিয়া বজাৰত পানী ওলাই যাব পৰাকৈ কোনো নলা-নৰ্দমাৰ ব্যৱস্থা নাই । যাৰ বাবে কৃত্ৰিম বানৰ সৃষ্টি হোৱা বুলি মন্তব্য কৰে ব্যৱসায়ীসকলে । ব্যৱসায়ীসকলৰ সাংসদ আব্দুল খালেকলৈ দাবী অতি শীঘ্ৰে বজাৰত নলাৰ ব্যৱস্থা কৰক ।

নলবাৰী,২৯জুন : ৰাজ্যৰ অন্য প্ৰান্তৰ সমান্তৰালকৈ নলবাৰীতো সৃষ্টি হয় কৃত্ৰিম বানৰ । বানৰ ফলত বন্ধ হৈ পৰে চৰকাৰী কাৰ্যালয়ৰ কাম-কাজ । বহু সময় ধৰি কাৰ্যালয়ত ভিৰ কৰে অগণন লোকে । চহৰখনৰ মাজ-মজিয়াত থকা চক্ৰ বিষয়াৰ কাৰ্যালয়ৰ লগতে উপাযুক্তৰ কাৰ্য্যলয় আৰু নলবাৰী কলেজ ৰোডত সৃষ্টি হয় কৃত্ৰিম বানৰ । বানৰ বাবে বন্ধ হৈ পৰে যাতায়ত ব্যৱস্থাও ।